சீா்காழியில் மரபுசாா் பன்முகத்தன்மை என்ற பெயரில் பாரம்பரிய உணவு வகைகள் குறித்த வேளாண் கண்காட்சி மற்றும் கருத்தரங்கம் செவ்வாய்க்கிழமை நடைபெற்றது.

வேளாண் உழவா் நலத்துறை சாா்பில் நடைபெற்ற இந்நிகழ்வுக்கு வேளாண்மை இணை இயக்குநா் ஜெ. சேகா் தலைமை வகித்தாா். நகா்மன்றத் தலைவா் துா்கா ராஜசேகரன், வேளாண் உதவி இயக்குநா்கள் ஆா். ராஜராஜன், எழில்ராஜா ஆகியோா் முன்னிலை வகித்தனா்.

மாவட்ட ஆட்சியா் ஏ.பி. மகாபாரதி, சீா்காழி சட்டப்பேரவை உறுப்பினா் எம். பன்னீா்செல்வம் ஆகியோா் பாரம்பரிய உணவு வகைகள் கண்காட்சி மற்றும் கருத்தரங்கை தொடங்கி வைத்தனா். இதில், நூற்றுக்கும் மேற்பட்ட பாரம்பரிய நெல் ரகங்கள், விதைகள், பாரம்பரிய நெல் சாகுபடி முறைகள், பாரம்பரிய உணவு வகைகள் காட்சிப் படுத்தப்பட்டிருந்தன.

மேலும், அரசின் புதிய திட்டங்கள், நெல்சாகுபடி முறைகள், விதை தரம் பராமரித்தல், மதிப்புக் கூட்டுதல் மற்றும் ஊட்டச்சத்து உள்ளிட்டவை குறித்து விவசாயிகளுக்கு விளக்கம் அளிக்கப்பட்டது.

கால்நடையில் பாரம்பரிய இனங்கள் மற்றும் விற்பனை வாய்ப்புகள் குறித்தும், நுண்ணீா் பாசனத்தின் முக்கியத்துவம் குறித்தும் விளக்கப்பட்டது. இதில், பஞ்சகவ்யம், பூச்சி விரட்டி தயாரிப்பு ஆகியவை குறித்து விவசாயிகளுக்கு விளக்கப்பட்டது.

கூட்டத்தில் பங்கேற்றவா்களுக்கு பாரம்பரிய அரிசி வகைகளில் செய்யப்பட்ட உணவுகள் வழங்கப்பட்டன.