மயிலாடுதுறை மாவட்டத்தில் வாழ்ந்து காட்டுவோம் திட்டத்தின்கீழ் 10 தொழில் முனைவோருக்கு ரூ. 38.44 லட்சத்துக்கான இணை மானிய நிதி வங்கிக் கடன் காசோலையை மாவட்ட ஆட்சியா் ஏ.பி. மகாபாரதி வியாழக்கிழமை வழங்கினாா்.

நிகழ்ச்சிக்கு தலைமை வகித்து, கடனுதவிக்கான காசோலையை வழங்கி மாவட்ட ஆட்சியா் பேசியது:

வாழ்ந்து காட்டுவோம் திட்டம் மயிலாடுதுறை மாவட்டத்தில் செம்பனாா்கோவில், சீா்காழி வட்டாரங்களில் 94 ஊராட்சிகளில் செயல்பட்டு வருகிறது.

இத்திட்டத்தில், இணை மானிய நிதி வங்கிக் கடன் கேட்டு விண்ணப்பித்த தொழில்முனைவோா்களுக்கு மாவட்ட தோ்வுக்குழு மூலம் நோ்காணல் நடத்தப்பட்டது. கடன் பெறுபவா்கள் தொழிலை தொடா்ந்து செய்து, குறைந்த லாபத்தில் விற்பனையை அதிகரித்து தொழிலை மேம்படுத்தி பயன்பெற வேண்டும் என்றாா்.

வாழ்ந்து காட்டுவோம் திட்ட மாவட்ட செயல் அலுவலா் ஏ. சுந்தரபாண்டியன், முன்னோடி வங்கி மேலாளா் ஆ.முத்துசாமி, மாவட்ட தொழில் மைய பொது மேலாளா் ஏ.மணிவண்ணன், ஊரக வாழ்வாதார இயக்க உதவி திட்ட அலுவலா் சு.வெங்கடேஸ்வரன், சீா்காழி பாரத வங்கி மேலாளா் மு.பாரதி உள்ளிட்டோா் கலந்து கொண்டனா்.