மயிலாடுதுறையில் பல்வேறு கோயில்களில் வியாழக்கிழமை கும்பாபிஷேகம் நடைபெற்றது.

மயிலாடுதுறை தாலுகா பொன்னூா் கிராமத்தில் இந்து சமய அறநிலையத் துறைக்குச் சொந்தமான பழைமை வாய்ந்த பிரஹன்நாயகி சமேத ஆபத்ஸகாயேஸ்வரா் சுவாமி கோயிலின் கும்பாபிஷேக விழா கடந்த மாதம் 26-ஆம் தேதி விக்னேஸ்வர பூஜையுடன் தொடங்கியது. நான்கு கால யாகசாலை பூஜைகள் நடத்தப்பட்டு, வியாழக்கிழமை கும்பாபிஷேகம் நடைபெற்றது.

முன்னதாக, இதே கிராமத்தில் அமைந்துள்ள கரியமாணிக்கம் பெருமாள் கோயிலில் கும்பாபிஷேகம் நடைபெற்றது. மேலும், சீதளா மகாமாரியம்மன், காமாட்சியம்மன், அய்யனாா் உள்ளிட்ட மொத்தம் 8 கோயில்களில் ஒரே நாளில் கும்பாபிஷேகம் நடைபெற்றது.

மயிலாடுதுறை கீழநாஞ்சில்நாட்டில் உள்ள சியாமளாவல்லி தாயாா், தங்க முனீஸ்வரா் மற்றும் காமாட்சி அம்மன் கோயில்களிலும் வியாழக்கிழமை கும்பாபிஷேகம் நடைபெற்றது. வை. பட்டவா்த்தி கிராமத்தில் மகா மாரியம்மன், காலபைரவா், ஸ்ரீவலம்புரி செல்வவிநாயகா் கோயில்களிலும் கும்பாபிஷேகம் நடைபெற்றது.