மயிலாடுதுறை: குடியரசு தினத்தையொட்டி மயிலாடுதுறை மாவட்டத்தில் உள்ள 241 கிராம ஊராட்சிகளிலும் வியாழக்கிழமை (ஜன. 26) கிராம சாபைக் கூட்டம் நடைபெறும் என்று மாவட்ட ஆட்சியா் இரா. லலிதா தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு:

கிராம சபைக் கூட்டத்தில் கிராம ஊராட்சி நிா்வாகம், பொதுநிதியில் மேற்கொள்ளப்பட்ட செலவினங்கள் மற்றும் 2022-23-ஆம் ஆண்டில் எடுத்துக்கொள்ளப்பட்ட பணிகள் குறித்து விவாதித்தல், கிராம ஊராட்சியின் தணிக்கை அறிக்கை, டெங்கு காய்ச்சல் தடுப்பு நடவடிக்கைகள், மகாத்மா காந்தி தேசிய ஊரக வேலை உறுதிதிட்டத்தில் 2022-23-ஆம் ஆண்டுக்கான தொழிலாளா் வரவு - செலவு திட்டத்தினை டிசம்பா் 31-ஆம் தேதி வரையிலான முன்னேற்ற அறிக்கையுடன் ஒப்பிட்டு விவாதித்தல் உள்ளிட்டவை நடைபெறும்.

அனைத்து ஊராட்சி பிரதிநிதிகள் மற்றும் பொதுமக்கள், மகளிா் சுய உதவிக்குழு உறுப்பினா்கள் தவறாது கலந்து கொள்ள வேண்டும் என்று தெரிவித்துள்ளாா்.