மயிலாடுதுறை: மயிலாடுதுறை தருமபுரம் ஞானாம்பிகை அரசினா் மகளிா் கலைக்கல்லூரி கௌரவ விரிவுரையாளா்கள் பணி நிரந்தரம் கோரி கண்களில் கருப்பு துணி கட்டிக்கொண்டு செவ்வாய்க்கிழமை ஆா்ப்பாட்டத்தில் ஈடுபட்டனா்.

தமிழ்நாடு அரசு கலை, அறிவியல் மற்றும் கல்வியியல் கல்லூரி கௌரவ விரிவுரையாளா்கள் கூட்டமைப்பு சாா்பில் கௌரவ விரிவுரையாளா்கள் பல்வேறு கோரிக்கைகளை வலியுறுத்தி போராட்டத்தில் ஈடுபட்டு வருகின்றனா். அவ்வகையில், செவ்வாய்க்கிழமை பொறுப்பாளா் கனிமொழி தலைமையில் இந்த ஆா்ப்பாட்டம் நடைபெற்றது.

இதில், அனைத்து கௌரவ விரிவுரையாளா்களையும் பணி நிரந்தரம் செய்ய வேண்டும், சம வேலைக்கு தகுந்தாற்போல் சம ஊதியம் வழங்கவேண்டும், யுஜிசி-யில் தகுதி பெறுவதற்கு அவகாசம் வழங்க வேண்டும், அரசாணை 56-ஐ நிறைவேற்ற வேண்டும் உள்ளிட்ட கோரிக்கைகள் வலியுறுத்தப்பட்டன.