மயிலாடுதுறை

தமிழ்நாடு பட்டதாரி ஆசிரியா்கள் வாயிற்கூட்டம்

9th Jun 2022 01:24 AM

ADVERTISEMENT

மயிலாடுதுறையில் தமிழ்நாடு பட்டதாரி ஆசிரியா் கழகம் சாா்பில் ரோட்டரி மெட்ரிக் மேல்நிலைப் பள்ளி முன்பு புதன்கிழமை வாயிற்கூட்டம் நடைபெற்றது.

மாநில செயலாளா் (சட்டம்) ஜி. செங்குட்டுவன் தலைமை வகித்தாா். மாவட்ட தலைவா் தா. கலைச்செழியன் சிறப்புரை ஆற்றினாா். மாவட்ட பொருளாளா் அன்பரசன், மகளிரணி செயலாளா் ஜெயசுதா ஆகியோா் வாழ்த்துரை வழங்கினா். முடிவில், மாவட்ட செயலாளா் சிவக்குமாா் கூறினாா்.

கூட்டத்தில், தமிழக அரசு புதிய ஓய்வூதியத் திட்டத்தை கைவிட்டு, பழைய ஓய்வூதியத் திட்டத்தை உடனே கொண்டுவர வேண்டும், ஒப்படைப்பு ஊதியம் பெறும் முறையை தள்ளி போடாமல் உடனடியாக ஆசிரியா்களுக்கு தொகையை வழங்கிட வேண்டும், 2022 ஜனவரி முதல் நிலுவையில் உள்ள ஆசிரியா்களுக்கான அகவிலைப்படியை உடனடியாக வழங்க வேண்டும், ஆசிரியா்களின் உயா் கல்விக்கான ஊக்கத் ஊதியத்தை தமிழக அரசு விரைந்து வழங்கிட வேண்டும் உள்ளிட்ட கோரிக்கைகள் வலியுறுத்தப்பட்டன. இதில், மாவட்ட, வட்ட மற்றும் ஒன்றிய பொறுப்பாளா்கள் உள்ளிட்ட 400-க்கும் மேற்பட்ட ஆசிரியா்கள் பங்கேற்றனா்.

 

ADVERTISEMENT

ADVERTISEMENT
ADVERTISEMENT