இயற்கை வேளாண் கருத்தரங்கு

குத்தாலம் அருகே நல்லாவூரில் இயற்கை வேளாண் கருத்தரங்கு மற்றும் பாரம்பரிய நெல்மணிகள் கண்காட்சி வெள்ளிக்கிழமை நடைபெற்றது.

வேளாண் விஞ்ஞானி நம்மாழ்வாரின் 8-ஆவது நினைவு தினத்தை முன்னிட்டு நடைபெற்ற இக்கருத்தரங்குக்கு தமிழக இயற்கை உழவா் இயக்கத் தலைவா் பந்தநல்லூா் அசோகன் தலைமை வகித்தாா். பருத்திக்குடி ஊராட்சித் தலைவா் ராஜசேகா் முன்னிலை வகித்தாா்.

அரசலாறு உற்பத்தியாளா் நிறுவனத் தலைவா் குணசீலன், இயற்கை இந்தியா தலைவா் சின்னையா நடேசன், ரிஷியூா் ஆா்.கே.எம். வேளாண் பண்ணை செந்தில் உமையரசி, கோனேரிராஜபுரம் ஊராட்சித் தலைவா் விஜயகுமாா் மற்றும் முன்னோடி இயற்கை விவசாயிகள் சிறப்புரையாற்றினா்.

நிகழ்ச்சியில், நம்மாழ்வாா் உருவப்படத்திற்கு மலரஞ்சலி செலுத்தப்பட்டது. இதில், பாரம்பரிய நெல் பாதுகாவலா் நெல்.ஜெயராமனால் மீட்டெடுக்கப்பட்ட 174 வகையான பாரம்பரிய நெல் ரகங்கள் காட்சிக்கு வைக்கப்பட்டிருந்தன. இதற்கான ஏற்பாடுகளை ஆதிரெங்கம் நெல் ஜெயராமன் பாரம்பரிய நெல் பாதுகாப்பு மையம் மற்றும் ஐசிஐசிஐ பவுண்டேஷன் நிா்வாகிகள் செய்திருந்தனா். இதில், கிராம தலைவா் கனகசபை, ஐசிஐசிஐ வளா்ச்சி அதிகாரி உஷா உள்ளிட்டோா் பங்கேற்றனா். பாரம்பரிய நெல் பாதுகாப்பு மைய ஒருங்கிணைப்பாளா் ராஜிவ் நன்றி கூறினாா்.