மயிலாடுதுறை

போக்ஸோவில் ஆசிரியா் கைது

18th Dec 2022 11:38 PM

ADVERTISEMENT

 

பள்ளி மாணவா்களிடம் பாலியல் ரீதியாக தவறாக நடந்து கொண்ட ஆசிரியரை மயிலாடுதுறை அனைத்து மகளிா் போலீஸாா் போக்ஸோ சட்டத்தில் ஞாயிற்றுக்கிழமை கைது செய்தனா்.

மயிலாடுதுறையில் தனியாா் பள்ளி இயற்பியல் ஆசிரியராக சேந்தங்குடியைச் சோ்ந்த சீனிவாசன்(38) பணியாற்றி வந்தாா். அப்பள்ளியின் மாணவா் விடுதியையும் கூடுதலாக கண்காணித்து வந்த இவா் விடுதி மாணவா்கள் பலரிடம் பாலியல்ரீதியாக தகாத முறையில் நடந்துகொண்டாராம். இதுகுறித்து, விடுதியில் தங்கி 9-ஆம் வகுப்பு படிக்கும் பாதிக்கப்பட்ட மாணவரின் தாயாா் அளித்த புகாரின்பேரில் மயிலாடுதுறை அனைத்து மகளிா் காவல் நிலைய போலீஸாா் போக்ஸோ சட்டத்தின்கீழ் வழக்குப்பதிவு செய்து சீனிவாசனை தேடிவந்தனா். இந்நிலையில், பள்ளி நிா்வாகம் அவரை பணிநீக்கம் செய்தது. இதையறிந்த சீனிவாசன் விஷம் குடித்து சிதம்பரத்தில் தனியாா் மருத்துவமனையில் சோ்க்கப்பட்டிருந்தாா். இந்நிலையில், சீனிவாசனை அனைத்து மகளிா் போலீஸாா் ஞாயிற்றுக்கிழமை கைது செய்து நாகை போக்ஸோ நீதிமன்றத்தில் முன்னிலைப்படுத்தி சிறையில் அடைத்தனா்.

 

ADVERTISEMENT

ADVERTISEMENT
ADVERTISEMENT