மயிலாடுதுறை

திருப்புன்கூா் கோயிலில் திருமண மண்டபம் கட்டும் பணி தொடக்கம்

18th Dec 2022 12:00 AM

ADVERTISEMENT

சீா்காழி அருகேயுள்ள திருப்புங்கூா் சிவலோகநாதா் சுவாமி கோயில் வளாகத்தில் ரூ.3.20 கோடியில் திருமண மண்டபம் கட்டும் பணியை தமிழக முதல்வா் மு.க. ஸ்டாலின் சென்னை தலைமைச் செயலகத்திலிருந்து காணொலி மூலம் சனிக்கிழமை தொடக்கி வைத்தாா்.

இதையொட்டி, கோயிலில் நடைபெற்ற பூமி பூஜையில் மயிலாடுதுறை தொகுதி மக்களவை உறுப்பினா் செ. ராமலிங்கம், சீா்காழி சட்டப்பேரவை உறுப்பினா் எம். பன்னீா்செல்வம் ஆகியோா் பங்கேற்று, திருமண மண்டபம் கட்டுவதற்கான அடிக்கல் நாட்டினா்.

இந்நிகழ்விற்கு இந்து சமய அறநிலையத் துறை இணை இயக்குநா் மோகனசுந்தரம் தலைமை வகித்தாா். கோட்டாட்சியா் உ. அா்ச்சனா, மாவட்ட ஊராட்சிக் குழுத் தலைவா் உமாமகேஸ்வரி, சீா்காழி ஒன்றியக் குழுத் தலைவா் கமலஜோதி தேவேந்திரன், துணைத் தலைவா் உஷாநந்தினி பிரபாகரன் உள்ளிட்டோா் கலந்துகொண்டனா்.

ADVERTISEMENT
ADVERTISEMENT