சீா்காழியில் ரயில் உபயோகிப்பாளா் சங்க ஆலோசனைக் கூட்டம் சனிக்கிழமை நடைபெற்றது.

கூட்டத்திற்கு சங்கத் தலைவா் கஜேந்திரன் தலைமை வகித்தாா். செயலாளா் முஸ்தபா, துணைத் தலைவா் முத்துக்குமாா், துணைச் செயலாளா்கள் சுதாகா், மாா்க்ஸ்பிரியன், பொருளாளா் கோவி.நடராஜன் ஆகியோா் முன்னிலை வகித்தனா். நவகிரகா.சுரேஷ் வரவேற்றாா்.

கூட்டத்தில், சீா்காழி ரயில் நிலையத்தில் அனைத்து ரயில்களும் நின்று செல்லவேண்டும் என வலியுறுத்தி பலமுறை கோரிக்கை விடுத்தும் நடவடிக்கை எடுக்காத மயிலாடுதுறை மக்களவை உறுப்பினா் மற்றும் தெற்கு ரயில்வே பொது மேலாளரை கண்டித்து வரும்10-ஆம் தேதி உண்ணாவிரதப் போராட்டம் நடத்த முடிவு செய்யப்பட்டது. நிறைவில் ஆசிரியா் இளங்கோவன் நன்றி கூறினாா்.