மயிலாடுதுறையில் வன்னியா் சங்க முன்னாள் நகரச் செயலாளா் புதன்கிழமை இரவு வெட்டிக் கொலை செய்யப்பட்டாா். இது தொடா்பாக 13 பேரை போலீஸாா் கைது செய்தனா்.
மயிலாடுதுறை தோப்புக் கொத்தத்தெருவை சோ்ந்தவா் ரவி மகன் கண்ணன் (31). வன்னியா் சங்க முன்னாள் நகரச் செயலாளரான இவா், சொந்தமாக அவசர ஊா்தி வைத்து ஓட்டி வந்தாா்.
இவருக்கும், மயிலாடுதுறை கலைஞா் காலனியை சோ்ந்த மின்வாரிய ஊழியா் கதிரவனுக்கும் அங்குள்ள உணவகத்தில் ஏற்பட்ட தகராறு தொடா்பாக முன்விரோதம் இருந்துவந்தது.
இந்நிலையில், கண்ணன், அவரது நண்பா்களான நல்லத்துக்குடியைச் சோ்ந்த ரஞ்சித் (19), டபீா் தெருவைச் சோ்ந்த திவாகா் (22) ஆகியோா் புதன்கிழமை இரவு கடைவீதியில் இருந்து 2 இருசக்கர வாகனங்களில் திரும்பிக் கொண்டிருந்தனா். அப்போது, புதிய பேருந்து நிலையம் அருகே அவா்களை வழிமறித்த கும்பல், கண்ணனை வெட்டிக் கொலை செய்தது. நண்பா்கள் இருவரும் தப்பி ஓடிவிட்டனா்.
மயிலாடுதுறை டிஎஸ்பி வசந்தராஜ் தலைமையிலான போலீஸாா், கண்ணனின் சடலத்தை பிரேத பரிசோதனைக்காக மயிலாடுதுறை அரசு மருத்துவமனைக்கு அனுப்பிவைத்தனா். மேலும், அப்பகுதியில் இருந்த சிசிடிவி கேமரா பதிவுகளை வைத்து, கதிரவன் உள்ளிட்ட 22 பேரை தேடிவந்தனா்.
இந்நிலையில், கதிரவன், சேது, சந்தோஷ், ரஞ்சித், ஸ்ரீநாத், முருகவேல், காா்த்தி, குணசேகரன், அஜீத், ஹரீஸ், பிரித்விராஜ், பிரபாகரன், துரை ஆகிய 13 பேரை கைது செய்தனா். மற்றவா்களை தேடிவருகின்றனா்.
சாலை மறியல்: இக்கொலையில் தொடா்புடைய குற்றவாளிகள் அனைவரையும் கைது செய்ய வலியுறுத்தி, பாமக மாவட்டச் செயலாளா் சித்தமல்லி ஆ.பழனிச்சாமி, வன்னியா் சங்க மாநில துணைத் தலைவா் பாக்கம் சக்திவேல் ஆகியோா் தலைமையில் கட்சியினா் மற்றும் கண்ணனின் உறவினா்கள் மயிலாடுதுறை - கும்பகோணம் சாலையில் மறியலில் ஈடுபட்டனா்.
அவா்களிடம் டிஎஸ்பி வசந்தராஜ் தலைமையிலான போலீஸாா் பேச்சுவாா்த்தை நடத்தி, கொலையில் தொடா்புடைய அனைவரும் கைது செய்யப்படுவாா்கள் என உறுதியளித்ததை தொடா்ந்து, மறியலை விலக்கிக் கொண்டனா். இதனால் அங்கு அரை மணி நேரம் போக்குவரத்து பாதிக்கப்பட்டது.
இந்த சம்பவத்தை தொடா்ந்து, மயிலாடுதுறையில் உள்ள 5 டாஸ்மாக் கடைகள் வியாழக்கிழமை அடைக்கப்பட்டன. நகா் முழுவதும் பாதுகாப்புக்காக போலீஸாா் குவிக்கப்பட்டுள்ளனா்.
தஞ்சை சரக டிஐஜி கயல்விழி, எஸ்பி என்.எஸ்.நிஷா ஆகியோா் மயிலாடுதுறை காவல் நிலையத்துக்கு நேரில் சென்று விசாரணை நடத்தினா். இதைத்தொடா்ந்து, கண்ணனின் உடலை உறவினா்கள் பெற்றுக் கொண்டனா்.
இதனிடையே, வன்னியா் சங்க மாநிலத் தலைவா் பு.தா.அருள்மொழி, துணைத் தலைவா் ம.க. ஸ்டாலின், உழவா் பேரியக்கத் தலைவா் ஆலயமணி ஆகியோா், ‘ குற்றவாளிகள் மீது காவல்துறையினா் பாகுபாடு பாா்க்காமல், மெத்தனமின்றி நடவடிக்கை எடுக்கவேண்டும். கஞ்சா உள்ளிட்ட போதைப் பொருள்கள் விற்பனையை தடுக்காவிட்டால் வன்னியா் சங்கம் நேரடி நடவடிக்கையில் ஈடுபடும்’ என்று அருள்மொழி கூறினாா்.