சுதந்திரதின பவள விழா ஆண்டையொட்டி, மயிலாடுதுறை மணிக்கூண்டுக்கு தேசியக்கொடியின் மூவா்ணம் தீட்டப்பட்டுள்ளது.

மயிலாடுதுறையின் முக்கிய அடையாளமாக மணிக்கூண்டு உள்ளது. உலகப்போரில் ஜொ்மனியிடம் தொடா் தோல்விகளைச் சந்தித்த இங்கிலாந்து, முதல்முறையாக டூனிசியாவில் நடைபெற்ற போரில் வெற்றி பெற்றதை நினைவுகூறும் விதமாக 1943-ஆம் ஆண்டு அப்துல்காதா் என்பவரால் இந்த மணிக்கூண்டு அமைக்கப்பட்டது.

சுதந்திர தின பவள ஆண்டையொட்டி இந்த மணிக்கூண்டிற்கு தேசியக்கொடியின் மூவா்ணம் தீட்ட பாஜகவினா் மயிலாடுதுறை நகராட்சி நிா்வாகத்திடம் அனுமதி பெற்று பணியைத் தொடங்கினா். இதற்கு சமூக வலைதளங்களில் சிலா் எதிா்ப்பு தெரிவித்தனா். இதனால், நகராட்சி நிா்வாகம் சாா்பில் மணிக்கூண்டிற்கு மூவா்ணம் தீட்டப்பட்டுள்ளது.