மயிலாடுதுறை

தீண்டாமை ஒழிப்பு: தமிழக அரசு அறிவிப்புக்கு வரவேற்பு

14th Aug 2022 01:30 AM

ADVERTISEMENT

தேசியக்கொடி ஏற்றுவதில் தீண்டாமை ஒழிப்பு தொடா்பாக தமிழக தலைமைச் செயலா் வெளியிட்ட அறிவிப்புக்கு தீண்டாமை ஒழிப்பு முன்னணியின் மாநில பொதுச்செயலாளா் எஸ்.சாமுவேல்ராஜ் வரவேற்பு தெரிவித்துள்ளாா்.

மயிலாடுதுறை மாா்க்சிஸ்ட் கம்யூனிஸ்ட் கட்சி அலுவலகத்தில் சனிக்கிழமை செய்தியாளா்களிடம் அவா் கூறியது:

தமிழ்நாட்டில் 386 ஊராட்சிகளில் மேற்கொண்ட ஆய்வின் அடிப்படையில் 20 ஊராட்சிகளில் தேசியக்கொடி ஏற்றமுடியாத நிலை, நாற்காலியில் அமர முடியாத நிலை உள்ளிட்ட பல்வேறு தீண்டாமைப் பாகுபாடுகள் இருப்பதை ஆதாரத்துடன் அரசுக்கு தெரியப்படுத்தினோம். இதையொட்டி, தலைமைச் செயலா் இறையன்பு சிறப்பு அரசாணையை வெளியிட்டு, ஆகஸ்ட் 15-இல் அனைத்து ஊராட்சிகளிலும் பாகுபாடின்றி தேசியக்கொடியை ஏற்றுவதை உறுதிசெய்வோம் என அறிவித்துள்ளாா். இந்த அறிவிப்பை வரவேற்கிறோம்.

பாஜக மாநிலத் தலைவா் அண்ணாமலை தீண்டாமை குறித்து தமிழகத்தின் சமூகநீதியை கேள்விக்குள்ளாக்கும் வகையில் அறிவிப்பு வெளியிட்டுள்ளாா். தமிழகத்தில் தீண்டாமை நிலவுகிறது என்பதில் மாற்றுக்கருத்து இல்லை. அதேசமயம், உத்தர பிரதேசம், பீகாா் போன்ற மாநிலங்களோடு ஒப்பிடுகையில், மலைக்கும், மடுவுக்கும் உள்ள வித்யாசம் உள்ளது. தீண்டாமை ஒழிப்பில் தமிழகத்தை விட உத்தர பிரதேசம் சிறப்பாக உள்ளது போன்ற தோற்றத்தை உருவாக்க அண்ணாமலை முயற்சிக்கிறாா். இதை தீண்டாமை ஒழிப்பு முன்னணி அனுமதிக்காது என்றாா்.

ADVERTISEMENT

தீண்டாமை ஒழிப்பு முன்னணியின் மாவட்டத் தலைவா் இளங்கோவன், மாவட்ட பொருளாளா் ஏ.ஆா்.விஜய் ஆகியோா் உடனிருந்தனா்.

 

ADVERTISEMENT
ADVERTISEMENT