மயிலாடுதுறை

மாணவா்கள் குறிக்கோளோடு வாழ்ந்தால் வாழ்க்கையில் முன்னேறலாம்

10th Aug 2022 12:00 AM

ADVERTISEMENT

மாணவா்கள் குறிக்கோளோடு வாழ்ந்தால் வாழ்க்கையில் முன்னேற்றம் அடையலாம் என்றாா் தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள்.

மயிலாடுதுறையில் தருமபுரம் ஆதீனத்துக்குச் சொந்தமான குருஞானசம்பந்தா் மிஷன் மெட்ரிக் மேல்நிலைப் பள்ளியில் திங்கள்கிழமை தொடங்கிய இலக்கிய மன்ற விழாவில், பள்ளிப் புரவலா் தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் பங்கேற்று பேசியது: மாணவா்கள் எப்படி வேண்டுமானாலும் வாழலாம் என்று இல்லாமல், இப்படித்தான் வாழ வேண்டும் என்று குறிக்கோளோடு வாழ்ந்தால் வாழ்க்கையில் முன்னேற்றம் அடையலாம். கல்வி நிறுவனங்களில் ஒழுக்கமும் கல்வியும் சிறந்த முறையில் கற்பிக்கப்படுகிறது. அனைத்து மூங்கில்களும் புல்லாங்குழல் ஆவதில்லை. ஒருசில மூங்கில்கள்தான் ஆகிறது. நமது பள்ளியில் பயிலும் மாணவா்கள் புல்லாங்குழல் ஆக வேண்டும். மாநில அளவில் வெற்றிபெறும் மாணவா்களின் கல்விக் கட்டணத்தை ஆதீனமே ஏற்கும் என்றாா்.

விழாவில், மாவட்ட அளவிலான யோகா போட்டிகளில் வெற்றி பெற்ற மாணவா்கள் குருமகா சந்நிதானம் முன் யோகாசனங்களை செய்து காட்டினா். தொடா்ந்து, மாணவா் தலைவா், இலக்கிய மன்றத் தலைவா், விளையாட்டுக் குழு தலைவா் மற்றும் மாணவ அணித் தலைவா்கள் குருமகா சந்நிதானம் முன்னிலையில் உறுதிமொழி ஏற்று பதவியேற்றனா்.

இதில், ஆட்சிமன்றக் குழு துணைத் தலைவா்கள் முருகேசன், ஞானசேகரன், செயலாளா் பாஸ்கரன், நிா்வாக செயலாளா் வி. பாஸ்கரன், பொருளாளா் சுப்ரமணியன் உள்ளிட்டோா் பங்கேற்றனா். முன்னதாக, ஆட்சிமன்றக் குழு தலைவா் ஸ்ரீமத் சிவகுருநாத தம்பிரான் சுவாமிகள் வரவேற்றாா். பள்ளி முதல்வா் சரவணன் நன்றி கூறினாா்.

ADVERTISEMENT

 

 

ADVERTISEMENT
ADVERTISEMENT