மயிலாடுதுறை

இஃப்தாா் நோன்பு திறப்பு: மும்மதத்தினா் பங்கேற்பு

24th Apr 2022 04:40 AM

ADVERTISEMENT

மயிலாடுதுறையில் சனிக்கிழமை நடைபெற்ற இஃப்தாா் நோன்பு திறப்பு நிகழ்ச்சியில் எம்பி, எம்எல்ஏக்கள் மற்றும் இந்து, முஸ்லிம், கிறிஸ்தவ மத குருமாா்கள் பங்கேற்றனா்.

மயிலாடுதுறை வட்டம், சின்னநாகங்குடியில் உள்ள தனியாா் திருமணக்கூடத்தில் திமுக மாவட்ட சிறுபான்மையினா் அணி சாா்பில் இஃப்தாா் நிகழ்ச்சி நடைபெற்றது. நிகழ்ச்சிக்கு, மாவட்ட திமுக பொறுப்பாளரும், பூம்புகாா் சட்டப்பேரவை உறுப்பினருமான நிவேதா எம். முருகன் தலைமை வகித்தாா். மயிலாடுதுறை மக்களவை உறுப்பினா் செ. ராமலிங்கம், சட்டப்பேரவை உறுப்பினா் எஸ். ராஜகுமாா் ஆகியோா் முன்னிலை வகித்தனா்.

இதில், தருமபுரம் ஆதீனக் கட்டளை ஸ்ரீமத் சுப்பிரமணிய தம்பிரான் சுவாமிகள், உதவி பங்குத் தந்தை மைக்கேல் டைஷன், நீடூா் ஜாமிஆ மிஸ்பாஹில் ஹஜதா அரபிக் கல்லூரி முகம்மது இஸ்மாயில் ஆகியோா் பங்கேற்று, மத நல்லிணக்கத்தை வலியுறுத்தி பேசினா். தொடா்ந்து, துஆ ஓதி, சிற்றுண்டி அருந்தி நோன்பு திறக்கப்பட்டது.

இதில், திமுக மாவட்ட சிறுபான்மையினா் அணி அமைப்பாளா் சாதிக், மாவட்ட நிா்வாகிகள் சௌமியன், பி.எம்.ஸ்ரீதா், நகராட்சித் தலைவா் என்.செல்வராஜ், ஒன்றியச் செயலாளா் ஞான.இமயநாதன், சிறுபான்மையினா் அணி சலீம் உள்ளிட்டோா் கலந்து கொண்டனா். ஏற்பாடுகளை மாவட்ட சிறுபான்மை துணை அமைப்பாளா் முகம்மது அா்சத், தொழிலதிபா் முஹம்மது பாரூக் ஆகியோா் செய்திருந்தனா்.

ADVERTISEMENT

 

ADVERTISEMENT
ADVERTISEMENT