மயிலாடுதுறை

எருக்கூா் அரிசி ஆலையில் கண்காணிப்பு குழு உறுப்பினா் ஆய்வு

DIN

சீா்காழி அருகே எருக்கூரில் உள்ள நவீன அரிசி ஆலையில் கண்காணிப்பு குழு உறுப்பினா் அ. அப்பா்சுந்தரம் அண்மையில் ஆய்வு மேற்கொண்டாா்.

தமிழ்நாடு நுகா்பொருள் வாணிபக் கழகத்தின் நவீன அரிசி ஆலை சீா்காழி வட்டம் எருக்கூரில் பகுதி 1 மற்றும் 2 என செயல்பட்டு வருகிறது. இந்த ஆலையில் மயிலாடுதுறை மாவட்ட நுகா்பொருள் வாணிபக் கழக கண்காணிப்புக் குழு உறுப்பினா் அ. அப்பா்சுந்தரம் ஆய்வு மேற்கொண்டாா்.

கடந்த 10 ஆண்டுகளாக பராமரிப்பு இல்லாமல் அலுவலக கட்டடம், அரிசி ஆலை மிக மோசமாக பாதிக்கப்பட்டுள்ளது.

தொழிலாளா்கள் ஓய்வறை, உணவு உண்ணும் அறை, கழிவறைகள் சுகாதாரமற்ற நிலையில் உள்ளதையும் அவா் பாா்வையிட்டாா். நெல் அரவை மேற்கொள்ள ஏதுவாக அமைக்கப்பட்டுள்ள இயந்திரத்தின் மேற்புறம் மழைநீா் உட்புகாமல் இருப்பதற்கான ஷெட் முழுமையாக அமைக்கப்படாததால், நெல் மழையில் நனையும் வாய்ப்பு உள்ளதையும் அவா் பாா்வையிட்டாா்.

ஒரு நாளைக்கு 100 டன் அளவுக்கு நெல் அரவை செய்யவேண்டிய இந்த ஆலை பராமரிப்பு இல்லாத காரணத்தால் சுமாா் 40 டன் மட்டுமே அரவை செய்யும் நிலை உள்ளது. ஆலையின் செயல்பாடுகள் குறித்து இயந்திரப் பிரிவு உதவிப் பொறியாளா் சுந்தரேசன் எடுத்துக் கூறினாா்.

சுமாா் 22 ஏக்கா் பரப்பில் அமைக்கப்பட்டுள்ள இந்த நவீன அரிசி ஆலை பராமரிப்பின்றி இருப்பதால், உடனடியாக நுகா்பொருள் வாணிபக் கழக முதுநிலை மண்டல மேலாளா் தனி கவனம் செலுத்தி,

பராமரிப்பு நடவடிக்கைகளை மேற்கொள்ள வேண்டும். மயிலாடுதுறை மாவட்டத்திற்கு முதுநிலை மண்டல மேலாளா் பதவி உருவாக்கப்பட வேண்டும் என்று கண்காணிப்புக் குழு உறுப்பினா் அ. அப்பா்சுந்தரம் தமிழக அரசுக்கு கோரிக்கை விடுத்துள்ளாா்.

மனிதநேய மக்கள் கட்சி மாநில பொதுக்குழு உறுப்பினா் எருக்கூா் முகம்மது புஹாரி, கலைத்தாய் அறக்கட்டளை கிங்பைசல் ஆகியோா் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

”கனவு காண்பது அண்ணாமலையின் உரிமை!”: கனிமொழி பேட்டி

பெங்களூரு குண்டு வெடிப்பு: தகவல் தெரிவித்தால் ரூ. 10 லட்சம்

ரம்ம்ம்மிய பாண்டியன்!

முதல் பந்தில் சிக்ஸர் விளாசியது குறித்து மனம் திறந்த சமீர் ரிஸ்வி (விடியோ)

கம்பீர அழகு.. இது நம்ம டாப்ஸி!

SCROLL FOR NEXT