காரைக்கால்: காரைக்கால் மாவட்ட அமமுக முன்னாள் செயலாளா் தற்கொலை வழக்கில் 6 பேரை போலீஸாா் செவ்வாய்க்கிழமை கைது செய்தனா்.

காரைக்கால் மாவட்டம், திருநள்ளாறு பகுதியை சோ்ந்தவா் தா்பாரண்யம் (52). காரைக்கால் மாவட்ட அம்மா மக்கள் முன்னேற்றக் கழக செயலாளா். கடந்த பேரவைத் தோ்தலில் திருநள்ளாறு தொகுதியில் அமமுக வேட்பாளராக அறிவிக்கப்பட்ட இவா், பின்னா் பாஜக வேட்பாளருக்கு ஆதரவு தெரிவித்து போட்டியிலிருந்து விலகினாா்.

ரியல் எஸ்டேட் தொழில் செய்துவந்த தா்பாரண்யம் கடந்த ஜூன் மாதம் தூக்கிட்டு தற்கொலை செய்துகொண்டாா்.

திருநள்ளாறு காவல்நிலையத்தில் அவரது மனைவி அளித்த புகாரில், கந்துவட்டி கொடுமையால்தான் தனது கணவா் தற்கொலை செய்து கொண்டதாக, அவா் (தா்பாரண்யம்) எழுதி வைத்திருந்த 14 பக்க கடிதத்தை காவல் நிலையத்தில் அளித்தாா். இதையடுத்து, போலீஸாா் விசாரணையை தீவிரப்படுத்தினா்.

இந்நிலையில், கிளிஞ்சல்மேடு கிராமத்தைச் சோ்ந்த அருமைகண்ணு (58), அவரது மகன் வேல்முருகன் (35), திருப்பட்டினத்தைச் சோ்ந்த மணிகண்டன் (33), வலத்தெருவை சோ்ந்த கரிகாலன் (42), கிளிஞ்சல்மேட்டை சோ்ந்த மதிவதனி (34), காரைக்கால் புவனேஸ்வரி (40) ஆகிய 6 பேரை போலீஸாா் செவ்வாய்க்கிழமை கைது செய்தனா்.

இதுகுறித்து போலீஸாா் தரப்பில் கூறியதாவது: தா்பாரண்யத்துக்கு மேற்கண்ட 6 பேரும், ரூ. 1.50 கோடி வரை வட்டிக்கு பணம் கொடுத்துள்ளனா். இந்த தொகைக்கு வட்டி கேட்டு அவருக்கு தொடா்ந்து தொல்லை கொடுத்து வந்ததால், அவா் தற்கொலை செய்துகொண்டுள்ளாா். இதுதொடா்பாக மேலும் சிலரை கைது செய்ய நடவடிக்கை மேற்கொண்டுள்ளதாக தெரிவித்துள்ளனா்.