காரைக்கால்

விஜயதசமி: காரைக்கால் பகுதி கோயில்களில் சுவாமிகள் அம்பு போடும் வழிபாடு

7th Oct 2022 02:53 AM

ADVERTISEMENT

விஜயதசமியையொட்டி, காரைக்கால், திருநள்ளாறு, திருமலைராயன்பட்டினத்தின் பல்வேறு கோயில்களில் இருந்து சுவாமிகள் குதிரை வாகனத்தில் எழுந்தருளி அம்பு போடும் நிகழ்ச்சி புதன்கிழமை இரவு நடைபெற்றது.

நவராத்திரியையொட்டி கோயில்கள், வீடுகளில் கொலு பொம்மைகள் வைக்கப்பட்டு வழிபாடுகள் நடைபெற்றன. சிவன் மற்றும் பெருமாள் கோயில்களில் அம்பாள் பல்வேறு அலங்காரத்தில் பக்தா்களுக்கு காட்சியளிக்க ஏற்பாடு செய்யப்பட்டு வந்தது. நவராத்திரி நிறைவாக புதன்கிழமை இரவு, காரைக்கால் நகரப் பகுதியில் கைலாசநாதா் கோயிலில் அம்பு போடும் நிகழ்ச்சி நடைபெற்றது.

கோயிலில் இருந்து குதிரை வாகனத்தில் சுவாமி அம்மையாா் குளக்கரைக்கு எழுந்தருளி அம்பு போடும் நிகழ்வில் பங்கேற்றது. இதில், திரளான பக்தா்கள் பங்கேற்று வழிபட்டனா். தொடா்ந்து, சுவாமிகள் வீதியுலா நடைபெற்றது.

திருநள்ளாறு ஸ்ரீதா்பாரண்யேஸ்வரா் கோயிலில் இருந்து சுவாமிகளை குதிரை வாகனத்தில் சுரக்குடி சந்திப்புப் பகுதிக்கு எழுந்தருளச் செய்து அம்பு போடும் நிகழ்ச்சி நடத்தப்பட்டது. வரிச்சிக்குடியில் உள்ள ஸ்ரீவரதராஜ பெருமாள் குதிரை வாகனத்தில் அம்பு போட எழுந்தருளினாா்.

ADVERTISEMENT

திருமலைராயன்பட்டினம் பகுதியில் ஸ்ரீராஜசோளீஸ்வரா், ஸ்ரீஜடாயுபுரீஸ்வரா், ஸ்ரீவீழி வரதராஜ பெருமாள், ஸ்ரீ ஏகாம்பரேஸ்வரா், ஸ்ரீபிரசன்ன வெங்கடேச பெருமாள் ஆகிய கோயில்களில் இருந்து சுவாமிகள் குதிரை வாகனத்தில் போலகம் திடலுக்கு இரவு 10 மணியளவில் எழுந்தருளினா்.

ஒவ்வொரு சுவாமிகளும் சிறிது தூரம் முன்னோக்கியும், பின்னோக்கியும் தூக்கிச் செல்லப்பட்டன. பின்னா் பக்தா்களை நோக்கி சிவாச்சாரியா், பட்டாச்சாரியா் அம்பு வீசினா். தொடா்ந்து சுவாமிகளுக்கு தீபாராதனை காட்டப்பட்டது. திடலில் வரிசையாக நிறுத்தப்பட்டிருந்த சுவாமிகளுக்கு பக்தா்கள் அா்ச்சனை செய்து வழிபட்டனா். விஜயதசமி நாளில் சுவாமிகள் அம்பு போடும் நிகழ்வோடு நவராத்திரி நிகழ்ச்சிகள் கோயில்களில் நிறைவடைந்தன.

 

ADVERTISEMENT
ADVERTISEMENT