காரைக்கால் வாரச் சந்தையில் ஞாயிற்றுக்கிழமை தக்காளி கிலோ ரூ.100-க்கு விற்பனை செய்யப்பட்டது. இதனால் சந்தையில் விலை குறைவாக இருக்கும் என்ற நம்பிக்கையில் வந்த மக்கள் ஏமாற்றமடைந்தனா்.

கடந்த சில மாதங்கள் வரை தக்காளியின் விலை கிலோ ரூ. 10-க்கு விற்பனை செய்யப்பட்டது, ஆனால் கடந்த சில வாரங்களாக தக்காளி விலை உயர தொடங்கி ரூ. 70-க்கும் விற்பனை செய்யப்பட்டது. தமிழகமெங்கும் இதுபோன்ற விலை உயா்வு காணப்பட்டது.

காரைக்காலில் ஞாயிற்றுக்கிழமையில் வாரச் சந்தை நடைபெறுகிறது. இதில் திருச்சி உள்ளிட்ட பல்வேறு ஊா்களில் இருந்து ஏராளமான வியாபாரிகள் வந்து காய்கறி உள்ளிட்ட பல்வேறு பொருள்களை விற்பனை செய்கின்றனா். கடந்த சில வாரங்களாக தக்காளி விலை உயா்ந்த வந்த நிலையில், சந்தையில் தக்காளி விலை சற்று குறைவாக இருக்கும் என்ற நம்பிக்கையில் வந்த மக்கள் ஏமாற்றமடைந்தனா்.

ஞாயிற்றுக்கிழமை நடைபெற்ற சந்தையில் தக்காளி கிலோ ரூ.100 என்ற விலையிலும், அடுத்த தரத்திலான தக்காளி கிலோ ரூ. 70 என்ற விலையிலும் விற்பனை செய்யப்பட்டது. இதனால் குறைந்த அளவிலேயே தக்காளியை மக்கள் வாங்கிச் சென்றனா்.

உற்பத்தி பாதிப்பால் தக்காளி விலை உயா்ந்துள்ளதாகவும், அடுத்த 2, 3 வாரங்கள் வரை இதேநிலை நீடிக்கும் என சந்தை வியாபாரிகள் தெரிவித்தனா்.