அரசுப் பள்ளியில் மகளிா் தின போட்டி பரிசளிப்பு

அரசு மேல்நிலைப் பள்ளியில் மகளிா் தினம் தொடா்பாக போட்டிகள் நடத்தப்பட்டு, பரிசுகள் வழங்கப்பட்டன.

அம்பகரத்தூா் பகுதி திருவள்ளுவா் அரசு மேல்நிலைப் பள்ளியில் மகளிா் தின விழா சனிக்கிழமை நடைபெற்றது. பள்ளி துணை முதல்வா் எஸ். அசோகன் தலைமை வகித்தாா். மகளிா் தினத்தின் சிறப்புகள் குறித்து மாணவ, மாணவியா் பேசினா்.

விழாவில் பெண் எனும் தெய்வம் என்ற தலைப்பில் கவியரங்கம் நடைபெற்றது.

காவல்துறை அதிகாரி (ஓய்வு) ஆா். சின்னதுரை கவியரங்க நடுவராக இருந்தாா். மாணவா்கள் வாசித்த கவிதைகளில் சிறந்தவற்றை பரிசுக்குத் தோ்வு செய்தாா்.

வெற்றிபெற்றவா்களுக்கு பள்ளி துணை முதல்வா் பரிசுகளை வழங்கிப் பாராட்டினாா். நிறைவாக பள்ளி நூலகா் த.ராஜலட்சுமி நன்றி கூறினாா்.