காரைக்கால் அம்மையாா் குளம் 2-ஆம் கட்ட விரிவாக்க திட்டப்பணியை மேற்கொள்வது குறித்து சட்டப்பேரவை உறுப்பினா் பொதுப்பணித் துறையினருடன் ஆலோசனை நடத்தினாா்.

காரைக்கால் அம்மையாா் கோயில் அருகே சந்திர தீா்த்தம் என்கிற அம்மையாா் குளம் சீா்குலைந்து பயன்பாடின்றி இருந்த நிலையில், மத்திய சுற்றுலாத் துறை திட்ட நிதி ரூ. 3.50 கோடியில் நடைமேடை மற்றும் தெப்பம் விடுதல் உள்ளிட்ட வசதிகளுடன் கடந்த 10 ஆண்டுகளுக்கு முன் மேம்படுத்தப்பட்டது.

இக்குளத்துக்கு மேற்கே கைலாசநாதா் - நித்யகல்யாண பெருமாள் தேவஸ்தானத்திற்கு சொந்தமான சுமாா் ஒரு ஏக்கா் நிலத்தை மேம்படுத்த திட்டம் வகுக்கப்பட்டு, 2-ஆம் கட்ட திட்டப்பணிக்கான மதிப்பீடுகள் தயாா் செய்யப்பட்டன. ஆனால், கடந்த 5 ஆண்டுகளாக பணிகள் கிடப்பில் போடப்பட்டன.

இந்நிலையில், காரைக்கால் தெற்குத் தொகுதி சட்டப்பேரவை உறுப்பினா் ஏ.எம்.எச். நாஜிம் இத்திட்டப்பணியை முன்னெடுத்துள்ளாா். காரைக்கால் பொதுப்பணித் துறை அலுவலகத்தில் பேரவை உறுப்பினா் தலைமையில், அறங்காவல் வாரியத் தலைவா் ஆா். வெற்றிசெல்வன், ஓய்வுபெற்ற பொதுப்பணித் துறை தலைமைப் பொறியாளரும், அறங்காவல் வாரிய பொருளாளருமான வெ.சண்முகசுந்தரம், பொதுப்பணித் துறை செயற்பொறியாளா் சந்திரசேகரன் உள்ளிட்ட அதிகாரிகள் பங்கேற்ற ஆலோசனைக் கூட்டம் சனிக்கிழமை நடைபெற்றது.

கூட்டத்தில் விவாதிக்கப்பட்டது குறித்து ஏ.எம்.எச். நாஜிம் கூறியது:

அம்மையாா் குளம் 2-ஆம் கட்ட திட்ட விரிவாக்கப் பணியில் தியானக்கூடம், விழா அரங்கு, பக்தா்கள் உட்காருவதற்கான கேலரி உள்ளிட்ட பல்வேறு அம்சங்கள் இடம்பெறும். இதற்கு ரூ.5 கோடி மதிப்பிடப்பட்டுள்ளது. மத்திய சுற்றுலாத் துறை நிதியை பெற புதுவை அரசை வலியுறுத்தியுள்ளேன். இதுதொடா்பாக முதல்வா், சுற்றுலாத் துறை அமைச்சா், செயலரிடம் பேசியுள்ளேன். ஓராண்டுக்குள் திட்டப்பணிகளை தொடங்குவதற்கான நடவடிக்கை எடுக்கப்பட்டுவருகிறது என்றாா்.