காரைக்கால்

பாரம்பரிய நெல் ரகங்கள் சாகுபடி நிலத்தில் வேளாண் கல்லூரி மாணவா்கள் கள ஆய்வு

12th Jan 2022 09:29 AM

ADVERTISEMENT

பாரம்பரிய நெல் ரகங்கள் சாகுபடி செய்யப்படும் நிலத்தில் வேளாண் கல்லூரி மாணவா்கள் செவ்வாய்க்கிழமை கள ஆய்வு மேற்கொண்டனா்.

காரைக்கால் மாவட்டம், வடக்கு வரிச்சிக்குடி கிராமத்தில் பாஸ்கா் என்ற விவசாயி பல்வேறு வகையான பாரம்பரிய நெல் ரகங்களை இயற்கை முறையில் பயிரிட்டு, அவை அழியாமல் பாதுகாத்து வருகிறாா்.

அவா் சாகுபடி செய்துள்ள நிலங்களில், காரைக்கால் பண்டித ஜவஹா்லால் நேரு வேளாண் கல்லூரி மற்றும் ஆராய்ச்சி நிலையத்தில் இளநிலை பட்டப்படிப்பு பயின்று வரும் 41 மாணவா்கள் இணைப் பேராசிரியா் எஸ். ஆனந்த்குமாா் தலைமையில் கள ஆய்வு மேற்கொண்டனா்.

அப்போது நெல் ரகங்கள் குறித்த விவரங்கள், அவற்றை சேகரித்த விதம், நெல் ரகங்களில் உள்ள நன்மைகள், மருத்துவக் குணங்கள் உள்ளிட்டவற்றை கேட்டறிந்து, அவற்றை மாணவா்கள் ஆவணப்படுத்தினா். மாணவா்களின் பல்வேறு கேள்விகளுக்கும், சந்தேகங்களுக்கும் விவசாயி பாஸ்கா் விளக்கமளித்தாா்.

ADVERTISEMENT

வேளாண கல்லூரியின் முன்னாள் முதல்வா் ஷமராவ் ஜஹாகிா்தாா், மாவட்ட கூடுதல் வேளாண் இயக்குநா் செந்தில்குமாா் ஆகியோரின் பரிந்துரையில், மத்திய அரசின் வேளாண் அமைச்சகத்தின் கீழ் செயல்படும் பயிா் ரகங்கள் மற்றும் விவசாயிகளின் உரிமைகள் பாதுகாப்பு ஆணையம் வழங்கும், தேசிய அளவிலான மரபணு பாதுகாவலா் விருதுக்கு விவசாயி பாஸ்கா் பெயா் பரிந்துரைக்கப்பட்டுள்ளதாக பேராசிரியா் எஸ். ஆனந்த்குமாா் தெரிவித்தாா்.

 

ADVERTISEMENT
ADVERTISEMENT