காரைக்கால்

காவிரிப் படுகையில் நிலவும் எதிா்ப்பால் ரூ. 200 கோடி இழப்பு: ஓ.என்.ஜி.சி. செயல் இயக்குநா்

DIN

காவிரி படுகையில் நிலவும் எதிா்ப்பால் ரூ. 200 கோடி அளவுக்கு இழப்பு ஏற்பட்டிருப்பதாக ஓ.என்.ஜி.சி. தலைமை அதிகாரி கூறினாா்.

காரைக்கால் ஓ.என்.ஜி.சி. காவிரிப் படுகை நிா்வாக அலுவலக வளாகத்தில் திங்கள்கிழமை சுதந்திர தினத்தையொட்டி தேசியக் கொடியை ஏற்றிவைத்து, அசெட் செயல் இயக்குநா் அனுராக் பேசியது:

கரோனா நோய்த் தொற்று பரவல் காலத்திலும் ஓ.என்.ஜி.சி. நிா்வாகம் அயராது உழைத்ததன் விளைவாக, மத்திய பிரதேசத்தில் உள்ள விந்தியன் படுகையை 8-ஆவது பெரிய புதிய கண்டுபிடிப்பாக நாட்டுக்கு அா்ப்பணித்து, உலக தரவரிசை பட்டியலில் ஓ.என்.ஜி.சி. 25-ஆவது இடத்தை பெற்றுள்ளது.

மக்கள் சேவையில் தன்னை அா்ப்பணித்துக் கொண்டு வெற்றிகரமாக செயல்பட்டுக்கொண்டிருக்கும் ஓ.என்.ஜி.சி. காவிரி படுகையை பொருத்தவரை தொடா்ந்து போராட்டங்களையும் எதிா்ப்புகளையும் சந்தித்து வருகிறது.

காவிரிப் படுகையில் நடைபெற்றுவரும் போராட்டங்களால் ரூ. 200 கோடி அளவிற்கு இழப்பை ஓ.என்.ஜி.சி. சந்தித்துள்ளது. இது மக்களுக்கு சென்று சேர வேண்டிய நிதியாகும். ஆக்கப்பூா்வமாக செயல்பட அனுமதித்திருந்தால் நாட்டின் வளா்ச்சிக்கும், மக்களின் தேவைகளை பூா்த்தி செய்யவும் இது பயன்பட்டிருக்கும்.

புதிய கிணறுகள் அமைப்பதில் உள்ள சிரமங்கள் காரணமாக, துரப்பண இயந்திரங்களை அண்டை மாநிலங்களுக்கு அனுப்பவேண்டிய நிலை ஏற்பட்டுள்ளது. இதனால் பல ஆயிரம் தொழிலாளா்கள் வேலை இழக்கும் அபாயம் ஏற்பட்டுள்ளது. ஓ.என்.ஜி.சி. நிா்வாகம் திறம்பட செயல்படுவதில்தான் மக்கள் நலன் அடங்கியுள்ளது என்றாா்.

விழாவில் ஓ.என்.ஜி.சி.யின் பல்வேறு துறை உயரதிகாரிகள் உள்ளிட்டோா் கலந்துகொண்டனா். பள்ளி மாணவ, மாணவிகள் கலை நிகழ்ச்சிகள் நடைபெற்றன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சேலையில் ஒரு சித்திரம்...அனிகா!

நமது வாழ்க்கையப் பற்றி சிந்திக்காத பாஜகவிற்கு வாக்களிக்கக் கூடாது: சீமான் பேச்சு

ஆம் ஆத்மியின் தேர்தல் வியூகத்தை பாஜக அறிய விரும்புகிறது: அதிஷி குற்றச்சாட்டு

"பாஜக தவறு செய்தால் நாங்கள் கேட்போம்”: எடப்பாடி பழனிசாமி

நிச்சயதார்த்தம் உண்மைதான்: புகைப்படங்களை வெளியிட்ட சித்தார்த் - அதிதி ராவ்!

SCROLL FOR NEXT