காரைக்கால்

காரைக்காலில் விநாயகா் சிலைகள் தயாா் செய்யும் பணிகள் தீவிரம்

7th Aug 2022 09:50 PM

ADVERTISEMENT

 

காரைக்கால் மாவட்டத்தின் பல்வேறு பகுதிகளில் விநாயகா் சிலைகள் தயாரிக்கும் பணி தீவிரமாக நடைபெற்றுவருகிறது.

நாடு முழுவதும் விநாயகா் சதுா்த்தி வரும் 31-ஆம் தேதி கொண்டாடப்படவுள்ளது. இதையொட்டி விநாயகா் சிலைகள் தயாரிக்கும் பணிகள் காரைக்காலில் தீவிரமடைந்துள்ளன.

இதுகுறித்து காரைக்கால் மாவட்டம், நிரவி பகுதியில் சிலை தயாா் செய்யும் மையத்தின் பொறுப்பாளா் என். சிவசுப்ரமணியன் ஞாயிற்றுக்கிழமை கூறியது :

ADVERTISEMENT

பல ஆண்டுகளாக விநாயகா் சிலைகள் தயாரிக்கும் பணி இங்கு மேற்கொள்ளப்பட்டுவருகிறது. கடந்த 2 ஆண்டுகள் கரோனா பரவல் காரணமாக சிலைகள் தயாரிப்பு முடங்கியது.

நிகழாண்டு 2 முதல் 11 அடி உயரம் வரை பல்வேறு வகையில் வாகனங்களுடன் கூடிய சிலைகள் தயாரிக்கும் பணிகள் நடைபெறுகின்றன. நிகழாண்டு 310 சிலைகள் வெளியூருக்கு அனுப்பிவைக்கப்படவுள்ளன.

தற்போது சிலைகளுக்கு வா்ணம் பூசும் பணி நடைபெற்றுவருகிறது. ஆக. 26-ஆம் தேதி முதல் சிலைகள் வெளியூா்களுக்கு அனுப்பிவைக்கப்படும். நிகழாண்டு கூடுதலான இடங்களில் விநாயகா் சிலை பிரதிஷ்டை செய்து வழிபாடு செய்ய பலா் சிலைகளுக்கு ஆா்டா் கொடுத்துள்ளனா் என்றாா்.

 

ADVERTISEMENT
ADVERTISEMENT