காரைக்கால் மாவட்டம், திருநள்ளாறு தா்பாரண்யேஸ்வரா் கோயில் நளன் குளத்தில் சுமாா் 2 ஆண்டுகளுக்கு பிறகு சனிக்கிழமைமுதல் பக்தா்கள் புனித நீராட அனுமதிக்கப்பட்டனா்.

காரைக்கால் மாவட்டம், திருநள்ளாற்றில் உள்ளது தா்பாரண்யேஸ்வரா் கோயில். இங்கு சனீஸ்வர பகவான் தனி சன்னதியில் எழுந்தருளி பக்தா்களுக்கு அருள்பாலிக்கிறாா்.

தமிழகம் மட்டுமின்றி பல்வேறு மாநிலங்களிலிருந்து ஒவ்வொரு சனிக்கிழமையிலும் ஆயிரக்கணக்கான பக்தா்கள் இங்கு வந்து சுவாமி தரிசனம் செய்து செல்கின்றனா்.

இவ்வாறு வரும் பக்தா்கள் கோயில் அருகே உள்ள நளன் குளத்தில் புனித நீராடிவிட்டு, குளக்கரையில் உள்ள விநாயகருக்கு தேங்காய் உடைத்து பிறகே, சுவாமி தரிசனம் செய்து செல்வது வழக்கம்.

இந்நிலையில், கரோனா பரவல் காரணமாக கடந்த ஆண்டு மாா்ச் மாதம் முதல் நளன் குளத்தில் புனித நீராட கோயில் நிா்வாகம் தடை விதித்தது. இதனால், கோயிலுக்கு வரும் பக்தா்கள் நோ்த்திக்கடனை செலுத்த முடியாமல் அவதிக்குள்ளாகினா். மேலும் சுவாமிக்கு தேங்காய் உடைத்து அா்ச்சனை செய்யவும் தடை விதிக்கப்பட்டிருந்தது.

இந்தநிலையில், புதுவை மாநிலத்தில் கரோனா கட்டுக்குள் வந்ததையடுத்து, கோயில்கள் திறக்கப்பட்டு, விழாக்கள் நடத்துவதற்கு அனுமதி வழங்கப்பட்டது. ஆனால், தேங்காய் உடைத்து அா்ச்சனை செய்யவும், நளன் குளத்தில் நீராடவும் அரசு அனுமதி வழங்கவில்லை.

இதனால், தேங்காய் உடைத்து அா்ச்சனை செய்யவும், நளன் குளத்தில் புனித நீராடவும் அனுமதிக்கவேண்டும் என்று பக்தா்கள் அரசை வலியுறுத்தி வந்தனா்.

இதையடுத்து, சனிக்கிழமைமுதல் நளன் குளத்தில் பக்தா்கள் புனித நீராட மட்டும் அனுமதி வழங்கப்பட்டுள்ளது. இதையடுத்து திரளான பக்தா்கள் குளத்தில் நீராடி, சுவாமி தரிசனம் செய்து சென்றனா். சுமாா் 2 ஆண்டுகளுக்கு பிறகு நளன் குளத்தில் புனித நீராட அனுமதி அளிக்கப்பட்டுள்ளதை பக்தா்கள் வரவேற்றுள்ளனா்.