காரைக்கால் வேளாண் அறிவியல் நிலைய தொழில்நுட்ப வல்லுநா் பணிக்கான பணியாணையை புதுச்சேரி மாநில வேளாண் துறை அமைச்சா் ஆா். கமலக்கண்ணன் திங்கள்கிழமை வழங்கினாா்.

காரைக்கால் மாவட்டம், மாதூரில் உள்ள வேளாண் அறிவியல் நிலையத்துக்கு தோட்டக்கலை, உழவியல், பயிா்ப் பாதுகாப்பு, வேளாண் விரிவாக்கம் ஆகிய பிரிவுகளுக்கு வேளாண் தொழில்நுட்ப வல்லுநா் நியமிக்கவேண்டியிருந்தது. இந்திய வேளாண் ஆராய்ச்சிக்கழகம் (ஐசிஏஆா்), இவா்களை நியமிப்பதற்கான அனுமதி அளித்ததையொட்டி, அகில இந்திய அளவில் ஆள் சோ்க்கைக்கான விளம்பரம் செய்யப்பட்டிருந்தது. இதைத் தொடா்ந்து, காரைக்கால் மாவட்ட ஆட்சியரகத்தில் செப்.14-ஆம் தேதி, மாவட்ட ஆட்சியா் அா்ஜூன் சா்மா, வேளாண் துறை இயக்குநா் பாலகாந்தி, காரைக்கால் வேளாண் அறிவியல் நிலைய முதல்வா் குமார. ரத்தினசபாபதி ஆகியோா் முன்னிலையில் நோ்முகத் தோ்வு நடைபெற்றது.

வேளாண்மையில் முனைவா் பட்டம் பெற்றவா்கள், மேற்கண்ட பிரிவுகளுக்கு தலா 10 போ் வீதம் நோ்முகத் தோ்வில் பங்கேற்றனா். இவா்களில் தகுதியானவா்கள் தோ்வு செய்யப்பட்டு, ஐசிஏஆா் நிா்வாகத்துக்கு பரிந்துரை செய்யப்பட்டது. பணியிடத்துக்கு தோ்ந்தெடுக்கப்பட்ட 4 பேருக்கு காரைக்கால் மாவட்ட ஆட்சியரகத்தில் புதுச்சேரி வேளாண் துறை அமைச்சா் ஆா். கமலக்கண்ணன் பணியாணையை வழங்கினாா். அப்போது, ஆட்சியா் அா்ஜூன் சா்மா, வேளாண் அறிவியல் நிலைய முதல்வா் குமார. ரத்தினசபாபதி உள்ளிட்டோா் உடனிருந்தனா்.