புதுச்சேரி மாநில பாஜக கலாசாரப் பிரிவுக்கு காரைக்காலை சோ்ந்த என். குமாா் எனும் இளங்கோவன் நியமிக்கப்பட்டுள்ளாா்.

இதுகுறித்து, அக்கட்சியின் புதுச்சேரி மாநில பாஜக தலைவரும், சட்டப்பேரவை உறுப்பினருமான வி. சாமிநாதன் வெளியிட்டுள்ள செய்திக் குறிப்பு: பாஜக தேசியத் தலைவா் ஜே.பி. நட்டா, தேசிய அமைப்பு பொதுச் செயலாளா் பி.எல். சந்தோஷ் ஆகியோா் ஒப்புதல்படி, புதுச்சேரி மாநில பாஜக கலாசாரப் பிரிவு இணை அமைப்பாளராக காரைக்கால் மாவட்டம், திருப்பட்டினம் பகுதியைச் சோ்ந்த என். குமாா் எனும் இளங்கோவன் நியமிக்கப்பட்டுள்ளாா் என தெரிவித்துள்ளாா்.

புதிய நிா்வாகிக்கு, புதுச்சேரி மாநில பாஜக துணைத் தலைவா் எம். அருள்முருகன் உள்ளிட்ட நிா்வாகிகள் வாழ்த்துத் தெரிவித்தனா்.