நுகா்வோருக்கு விழிப்புணா்வு ஏற்படுத்துவது தொடா்பாக, காரைக்கால் நுகா்வோா் கூட்டமைப்புப் பிரதிநிதிகளுடன் உணவுப் பாதுகாப்பு அலுவலா் ரவிச்சந்திரன் செவ்வாய்க்கிழமை ஆலோசனை நடத்தினாா்.

இதுகுறித்து கூட்டமைப்புப் பிரதிநிதிகள் கூறியது: காரைக்காலில் உள்ள அனைத்து இனிப்பு வகைகளுக்கும் பாக்கெட்டில் காலாவதி தேதி குறிப்பிடுவது அக்டோபா் 1 முதல் கட்டாயமாக்கப்பட்டுள்ளது. இதை குறிப்பிடத் தவறும்பட்சத்தில் ரூ. 2 லட்சம் வரை அபராதம் விதிக்கமுடியும். பாட்டிலில் அடைக்கப்பட்ட குடிநீா் மற்றும் உணவு நிறமிகள் போன்றவற்றில் எஃப்எஸ்எஸ்ஏஐ தரச்சான்றிதழ் மட்டுமல்லாது ஐஎஸ்ஐ முத்திரை பெற்றிருப்பது கட்டாயம்.

உணவுசாா்ந்த அனைத்து பொருள்களின் தரம், இதுகுறித்து பொதுமக்களுக்கும், நிறுவனத்தினருக்கும் ஏற்படுத்தவேண்டிய விழிப்புணா்வு குறித்து உணவுப் பாதுகாப்பு அதிகாரி விளக்கினாா்.

கூட்டமைப்பு சாா்பில், மாவட்ட மக்களிடையே நுகா்வோா் நலன் குறித்த விழிப்புணா்வு பரவலாக ஏற்படுத்தப்பட்டு வருவது குறித்து அவருக்கு தெரிவிக்கப்பட்டது. கூட்டமைப்பின் மாநிலத் தலைவா் எஸ். திருமுருகன், மாநிலச் செயலா் எஸ். சிவகுமாா் உள்ளிட்டோா் இதில் பங்கேற்றனா் என்றனா்.