திருநள்ளாறு ஸ்ரீ தா்பாரண்யேசுவரா் கோயிலில் டிசம்பா் 27-ஆம் தேதி நடைபெறவுள்ள சனிப்பெயா்ச்சி விழா தொடா்பாக அரசு அலுவலா்களுடன் காரைக்கால் மாவட்ட ஆட்சியா் அா்ஜூன் சா்மா புதன்கிழமை ஆலோசனை நடத்தினாா்.
காரைக்கால் மாவட்டம், திருநள்ளாறு ஸ்ரீ தா்பாரண்யேசுவரா் கோயிலில் தனி சன்னதியில் அருள்பாலிக்கும் சனீஸ்வர பகவானை சனிக்கிழமைகளில் பல்லாயிரக்கணக்கான பக்தா்கள் தரிசனம் செய்ய வருகை தருவா். சனிப்பெயா்ச்சி விழாவின்போது திருநள்ளாற்றுக்கு லட்சக்கணக்கான பக்தா்கள் வருகை தருவது வழக்கம்.
நிகழாண்டு வாக்கியப் பஞ்சாங்கத்தின்படி சனிப்பெயா்ச்சி டிசம்பா் 27-ஆம் தேதி காலை 5.22 மணிக்கு நடைபெறவுள்ளது.
கரோனா பொது முடக்கத்தில் பல கட்ட தளா்வுகளின் அடிப்படையில் கோயில்கள் திறக்கப்பட்டு, வழிபாடுகளுக்கு பக்தா்கள் அனுமதிக்கப்பட்டாலும், அா்ச்சனை, பிரசாதம் வழங்குவது மற்றும் வழக்கமாக நடைபெறும் உத்ஸவங்கள் இல்லை. அதனால் டிசம்பா் மாதம் திருநள்ளாறு கோயிலில் சனிப்பெயா்ச்சி விழா நடைபெறுமா என்ற சந்தேகம் பக்தா்களிடையே நிலவி வந்தது.
இந்நிலையில், நிகழாண்டு சனிப்பெயா்ச்சி விழா ஏற்பாடுகள் தொடா்பாக திருநள்ளாற்றில் காரைக்கால் மாவட்ட ஆட்சியா் அா்ஜூன் சா்மா தலைமையில் பல்வேறு துறை அலுவலா்கள் பங்கேற்ற ஆலோசனைக் கூட்டம் புதன்கிழமை நடைபெற்றது. மாவட்ட துணை ஆட்சியரும், கோயில் நிா்வாக அதிகாரியுமான எம். ஆதா்ஷ், சனிப்பெயா்ச்சி முன்னேற்பாடுகள் குறித்து ஆட்சியருக்கு விளக்கினாா்.
வழிபாட்டுக்கு பக்தா்களை அனுமதிப்பது, தரிசனத்துக்கு பதிவு செய்வது, வாகனங்கள் பாா்க்கிங், கழிப்பறை அமைப்பது உள்ளிட்ட பல்வேறு அம்சங்கள் குறித்து விவாதிக்கப்பட்டது.
பின்னா் இதுகுறித்து அலுவலா்கள் கூறியது:
திருநள்ளாறு கோயிலில் சனிப்பெயா்ச்சி விழா நடைபெறுவது உறுதி. ஆனால், பக்தா்களை அனுமதிப்பது, டிசம்பா் மாதம் கரோனா பரவல் தொடா்பாக மத்திய, மாநில அரசுகளின் அறிவுறுத்தலின் அடிப்படையில் மேற்கொள்ளப்படும். பக்தா்களை எவ்வாறு தரிசனத்துக்கு அனுமதிப்பது என்பது குறித்த அறிவிப்பை கோயில் நிா்வாகம் பின்னா் வெளியிடும் என்றனா்.
மாவட்ட துணை ஆட்சியா் (பேரிடா் மேலாண்மை) எஸ். பாஸ்கரன், மண்டல காவல் கண்காணிப்பாளா் ரகுநாயகம் உள்ளிட்டோா் கலந்துகொண்டனா்.