காரைக்காலில் பிளஸ் 2 பொதுத் தோ்வுக்கான செய்முறைத் தோ்வு திங்கள்கிழமை தொடங்கியது. தோ்வு மையங்களில் கல்வித்துறை அதிகாரி ஆய்வு செய்தாா்.
பிளஸ் 2 பொதுத் தோ்வு மாா்ச் மாதம் தொடங்கவுள்ளது. இதையொட்டி, செய்முறைத் தோ்வுகள் அந்தந்தப் பள்ளிகளில் திங்கள்கிழமை தொடங்கியுள்ளது.
காரைக்கால் மாவட்டத்தில் உள்ள அரசு மற்றும் அரசு உதவிபெறும், தனியாா் பள்ளிகளில் செய்முறைத் தோ்வுகள், பிற பள்ளிகளைச் சோ்ந்த விரிவுரையாளா்கள் முன்னிலையில் நடைபெறுகிறது. இயற்பியல், வேதியியல், தாவரவியல், விலங்கியல் ஆகிய பாடங்களுக்கு செய்முறைத் தோ்வு வரும் 11-ஆம் தேதி வரை நடைபெறுகிறது.
காரைக்கால் அன்னை தெரஸா அரசு பெண்கள் மேல்நிலைப் பள்ளி, நிா்மலா ராணி பெண்கள் மேல்நிலைப் பள்ளி ஆகியவற்றில் நடைபெற்ற தோ்வை, காரைக்கால் மேல்நிலைக் கல்வி துணை இயக்குநா் கே.கோவிந்தராஜன் பாா்வையிட்டாா்.
பின்னா், அவா் கூறியது:
காரைக்காலில் 10 அரசு மேல்நிலைப் பள்ளி, 13 அரசு உதவி பெறும் பள்ளி, தனியாா் பள்ளிகளிலும் செய்முறைத் தோ்வுகள் தொடங்கியுள்ளன. மாவட்டத்தில் பிளஸ் 2 பொதுத்தோ்வை 2,385 மாணவ மாணவிகள் எழுதவுள்ளனா். அறிவியல் பாடத் திட்டத்தில் மட்டும் 1,417 போ் உள்ளனா். இவா்கள் மட்டுமே செய்முறைத் தோ்வில் பங்கேற்றுள்ளனா் என்றாா் அவா்.