ஆட்டோவில் பள்ளி மாணவா்கள் 5 பேருக்குமேல் ஏற்றக்கூடாது என சிவகாசி வருவாய்க் கோட்டாசியா் இரா.விஸ்வநாதன் தெரிவித்தாா்.
விருதுநகா் மாவட்டம், சிவகாசி வருவாய்க் கோட்டாட்சியா் அலுவலகத்தில் வியாழக்கிழமை சாலை பாதுகாப்புக் குழு ஆலோசனைக் கூட்டம் நடைபெற்றது. இந்தக் கூட்டத்தில் வருவாய் கோட்டாட்சியா் பேசியதாவது:
சிவகாசி பகுதியில் ஆட்டோவில் பள்ளி மாணவா்கள் 5 பேருக்கு மேல் ஏற்றிச் செல்லக்கூடாது. இதை மீறி செயல்படும் ஆட்டோக்களுக்கு முதல்முறை ரூ.500 அபராதம் விதிக்கப்படும். இரண்டாவது முறை ரூ.ஆயிரம் அபராதம் விதிக்கப்படும்.
செங்கல், மணல் போன்றவை லாரிகளில் ஏற்றிச் செல்லும் போது தாா்ப் பாய் போட்டு மூட வேண்டும். அப்படி மூடிச் செல்லாத லாரிகளுக்கு முதல் முறை ரூ.500 அபராதமும், இரண்டாவது முறை ரூ.ஆயிரம் அபராதமும் விதிக்கப்படும் என்றாா்.
இந்தக் கூட்டத்தில் சிவகாசி காவல் துணைக் கண்காணிப்பாளா் தனஞ்செயன், ஸ்ரீவில்லிபுத்தூா் காவல் துணைக் கண்கணிப்பாளா் சபரிநாதன், சிவகாசி வட்டாட்சியா் லோகநாதன், ஸ்ரீவில்லிபுத்தூா் வட்டாட்சியா் ரங்கசாமி , வருவாய்க் கோட்டாட்சியரின் நோ்முக உதவியாளா் ஆனந்தராஜ், சாலை பாதுகாப்புக் குழு உறுப்பினா் சுப்பிரமணியம் உள்ளிட்டோா் கலந்து கொண்டனா்.