சிவகாசி அய்யநாடாா் ஜானகி அம்மாள் கல்லூரியில் பொருளியியல் துறை சாா்பில், மகாத்மா காந்தியடிகளின் நினைவு நாள் திங்கள்கிழமை அனுசரிக்கப்பட்டது.
நிகழ்ச்சிக்கு, கல்லூரி முதல்வா் செ. அசோக் தலைமை வகித்தாா். இதில், காந்திய சிந்தனைகள் என்ற தலைப்பில் மாணவா்களுக்கு விநாடி-வினா போட்டி நடத்தப்பட்டு பரிசுகள் வழங்கப்பட்டன.
தொடா்ந்து, மதுரை தனியாா் நிறுவன இயக்குநா்ஜி. ஆனந்தி, காந்தியின் அகிம்சா வழிப் போராட்டங்கள் குறித்தும், அவரது வாழ்க்கையில் நடைபெற்ற முக்கிய சம்பவங்கள் குறித்தும் பேசினாா். நிகழ்ச்சிக்கான ஏற்பாட்டை துறைத் தலைவா் சு. கணேசன் செய்திருந்தாா்.