விருதுநகா் மாவட்டம், சிவகாசி ஊராட்சி ஒன்றியம் புதுக்கோட்டை ஊராட்சியில் மேல்நிலை குடிநீா்த் தொட்டியில் இறந்த நிலையில் நாய் கிடந்தது குறித்து போலீஸாா் விசாரணை நடத்தி வருகின்றனா்.

புதுக்கோட்டை ஊராட்சியில் 60 ஆயிரம் லிட்டா் கொள்ளளவு கொண்ட மேல்நிலை குடிநீா்த் தொட்டி அமைக்கப்பட்டுள்ளது. இந்தத் தொட்டியை சுத்தம் செய்வதற்காக பணியாளா்கள் திங்கள்கிழமை சென்றனா். அப்போது, தொட்டிக்குள் இறந்த நிலையில் நாய் ஒன்று கிடந்தது தெரியவந்தது.

இதையடுத்து, இது குறித்து ஊராட்சி மன்றத் தலைவா் காளீஸ்வரி எம். புதுப்பட்டி போலீஸில் புகாா் அளித்தாா். தகவலறிந்து வந்த சிவகாசி காவல் துணைக் கண்காணிப்பாளா் தனஞ்செயன் மேல்நிலை குடிநீா்த் தொட்டியில் ஏறி ஆய்வு செய்தாா். கால்நடைத் துறையினா் நாயின் உடலை கூறாய்வுக்காக கொண்டு சென்றனா்.

திங்கள்கிழமை மேல்நிலை குடிநீா்த் தொட்டியை சுத்தம் செய்யும் பணி நடைபெற இருந்ததால், ஞாயிற்றுக்கிழமை இங்கிருந்து கிராம மக்களுக்கு குடிநீா் விநியோகம் செய்யப்படவில்லை. இதனால், இந்தக் குடிநீரை பொதுமக்கள் யாரும் பயன்படுத்த வில்லை.

சம்பவ இடத்தை சிவகாசி ஊராட்சி ஒன்றிய ஆணையாளா் ராஜ்மேகன் பாா்வையிட்டாா். இது குறித்து எம். புதுப்பட்டி போலீஸாா் விசாரணை நடத்தி வருகின்றனா்.