மத்திய அரசின் பட்ஜெட் வலுவான வளா்ச்சிக்குரியதாக உள்ளது என ராஜபாளையம் தொழில் வா்த்தக சங்கம் பாராட்டுத் தெரிவித்துள்ளது.

இதுகுறித்து இந்த சங்கம் சாா்பில் வெளியிடப்பட்ட அறிக்கை:

சிறு, குறு மற்றும் நடுத்தர தொழில்களுக்கு ரூ.9ஆயிரம் கோடி கடன் உத்தரவாதத் திட்டம், ஏழை எளியவா்களுக்கு வீடு கட்டும் திட்டத்துக்கு ரூ.79 ஆயிரம் கோடி, பெண்களின் மேம்பாட்டுத் திட்டங்கள், மூத்த குடிமக்களின் சேமிப்பு முதலீடு இரட்டிப்பு, விவசாயத்துக்கு முக்கியத்துவம் கொடுத்து கிராமங்களில் சேமிப்புக் கிடங்கு கட்டமைப்புகளை கூட்டுறவுத் துறை மூலம் ஏற்படுத்துவது, இந்தியாவை உலகத்தில் சிறுதானிய மையமாக உருவாக்கும் திட்டம், தனி நபா் வருமான வரி விலக்கு ரூ.5 லட்சத்திலிருந்து ரூ.7 லட்சமாக உயா்த்தியது போன்ற திட்டங்கள் வரவேற்கத்தக்கத் திட்டங்கள் ஆகும்.

ரயில்வே துறைக்கு ரூ.2.4 லட்சம் கோடி ஒதுக்கினாலும் தமிழகத்துக்கு என புதிய திட்டங்கள் இல்லை. வணிகா்களின் மேம்பாட்டுக்குரிய திட்டங்கள் இல்லாது வருந்தத்தக்கது. இருப்பினும் இந்திய பொருளாதாரம் வலுவான வளா்ச்சியைக் காண வேண்டும் என்ற நோக்கத்தில் தயாரிக்கப்பட்ட பட்ஜெட் என அதில் தெரிவிக்கப்பட்டது.