சதுரகிரி கோயிலுக்குச் சென்ற 2 பக்தா்கள் ஞாயிற்றுக்கிழமை மூச்சுத் திணறி உயிரிழந்தனா்.

கோவை மாவட்டம் சீரநாயக்கன்பாளையத்தைச் சோ்ந்தவா் கோவிந்தராஜ் நடேசன் (46). இவா் மஹாளய அமாவாசையையொட்டி சதுரகிரி சுந்தரமகாலிங்கம் கோயிலுக்கு ஞாயிற்றுக்கிழமை வந்தாா். மலைப்பாதை வழியாக வனத்துா்க்கை கோயில் அருகே நடந்து சென்றபோது அவருக்கு திடீரென மூச்சுத் திணறல் ஏற்பட்டுள்ளது. வலியால் துடித்த அவா் சிறிது நேரத்தில் உயிரிழந்தாா்.

ஈரோடு மாவட்டம், பெருந்துறையைச் சோ்ந்த நாகராஜ் (52) என்பவா் தனது குடும்பத்தினருடன் சதுரகிரிக்கு வந்தாா். மலைப்பாதை வழியாக சென்றபோது கோரக்கா் குகை அருகே திடீரென மூச்சுத் திணறல் ஏற்பட்டு சம்பவ இடத்திலேயே உயிரிழந்தாா். இருவரது சடலங்களும் டோலி மூலம் தாணிப்பறை அடிவாரத்திற்கு கொண்டுவரப்பட்டு பிரேதப் பரிசோதனைக்காக உசிலம்பட்டி அரசு மருத்துவமனைக்கு கொண்டு செல்லப்பட்டன. இச்சம்பவங்கள் குறித்து சாப்டூா் போலீஸாா் வழக்குப் பதிவு செய்து விசாரித்து வருகின்றனா்.

மருத்துவ வசதி தேவை: சதுரகிரி கோயிலில் மருத்துவ வசதி இல்லாததால் தொடா்ந்து பக்தா்கள் உயிரிழக்கும் அவலம் ஏற்படுகிறது. இது போன்ற அசம்பாவிதங்களைத் தடுக்கும் வகையில் பிரதோஷம், பௌா்ணமி, அமாவாசை நாள்களில் மலைப்பகுதி மற்றும் அடிவாரப் பகுதி, கோயில் வளாகப் பகுதிகளில் மருத்துவ குழுவினரை பணியில் அமா்த்த வேண்டும் என்று பக்தா்கள் கோரிக்கை விடுத்துள்ளனா்.