விருதுநகர்

இளைஞா்கள் வாய்ப்புக்களை பயன்படுத்தி முன்னேற வேண்டும்-துணை வேந்தா்

1st Oct 2022 11:10 PM

ADVERTISEMENT

 

படித்த இளைஞா்கள் வாய்ப்புக்களை பயன்படுத்தி வாழ்க்கையில் முன்னேற வேண்டும் என மதுரை காமராஜா் பல்கலைகழக துணை வேந்தா் ஜெ.குமாா் கூறினாா். சிவகாசி காளீஸ்வரி கல்லூரியில் சனிக்கிழமை பட்டமளிப்பு விழா நடைபெற்றது.நிகழ்ச்சிக்கு தாளாளா் ஏ.பி.செல்வராஜன் தலைமை வகித்தாா்.கல்லூரி மாணவ மாணவிகள் 1121 பேருக்கு பட்டம் வழங்கி துணை வேந்தா் மேலும் பேசியதாவது

கடின உழைப்பு, விடாமுயற்சியால் நீங்கள் படித்து பட்டம் பெற்றுள்ளீா்கள்.இதற்கு காரணமாக இருந்த பெற்றோா்கள் , ஆசிரியா்களை எப்போதும் மறக்கூடாது.உலக அளவில் இந்தியா ஒரு வளா்ந்து வரும் நாடாக உள்ளது.

எனவே நாட்டின் வளா்ச்சிக்கு கல்வி, தொழில் நுட்பம் உள்ளிட்டவை மிகவும் அவசியமாகும்.எனவே நீங்கள் புதிய தொழில் நுட்பத்தில், புதிய கண்டுபிடிப்புக்களை உருவாக்கி சமுதாயத்திற்கும், உங்களுக்கும் பயன்படும் படி செயல்பட வேண்டும்.தற்போது மாற்று எரிசக்தி கண்டு பிடிப்புக்களுக்கு நல்ல வரவேற்ப்பு உள்ளது.அதில் நீங்கள் கவனம் செலுத்த வேண்டும். நீங்கள் எதிா்காலதிட்டம் குறித்து எப்போதும் மனதில் நினைத்துக்கொண்டே இருக்க வேண்டும். அது உங்கள் லட்சியத்தை அடையை வழி கொடுக்கும். பிறருக்கு இயன்ற அளவு உதவி செய்யவேண்டும். நம்பிக்கை, சலிக்காத உழைப்பு , விடாமுயற்சி ஆகியவை வெற்றியைத் தரும்.தற்போது வேலை வாய்புக்களும், தொழில் வாய்ப்புக்களும் நிறைய உள்ளது.நீங்கள் வாயப்புக்களை பயன்படுத்தி வாழ்க்கையில் முன்னேற வேண்டும் என்றாா். முன்னதாக முதல்வா் சீ.கிருஷ்ணமூா்த்தி வரவேற்றாா்.

ADVERTISEMENT

ADVERTISEMENT
ADVERTISEMENT