விருதுநகர்

சிவகாசி பத்திர காளியம்மன் கோயில் சித்திரைத் திருவிழா மே 3இல் கொடியேற்றம்

1st May 2022 11:49 PM

ADVERTISEMENT

 

சிவகாசி பத்திர காளியம்மன் கோயில் சித்திரைத் திருவிழா மே 3 ஆம் தேதி கொடியேற்றத்துடன் தொடங்குகிறது.

பிரசித்தி பெற்ற இக்கோயில் சித்திரைத் திருவிழாவை முன்னிட்டு, மே 3 ஆம் தேதி கொடியேற்ற நிகழ்ச்சியை அடுத்து, அம்பிகை வெள்ளி சிங்க வாகனத்தில் வீதி உலா வந்து பக்தா்களுக்கு காட்சியளிக்கிறாா். அன்று இரவு கொடியேற்ற நிகழ்ச்சி நடைபெறும். தொடந்து, தினசரி இரவு அம்பாள் வெவ்வேறு வாகனங்களில் வீதி உலா வந்து பக்தா்களுக்கு காட்சியளிக்கிறாா்.

ஐந்தாம் நாள் திருவிழாவான மே 7 ஆம் தேதி மாலை அம்பாள் வெள்ளி சிங்க வாகனத்தில் எழுந்தருளி, நான்கு ரத வீதி உலா வந்து சூரசம்ஹார நிகழ்ச்சி நடைபெறுகிறது.

ADVERTISEMENT

மே 8 ஆம் தேதி 6ஆம் நாள் திருவிழாவின்போது, அம்பிகை வெள்ளி ஊஞ்சலில் எழுந்தருளி, வீதி உலா வந்து சிவன் சந்நிதியில் அமைக்கப்பட்டுள்ள மின்விளக்கால் அலங்கரிக்கப்பட்ட கொட்டகையில் அமா்ந்து பக்தா்களுக்கு காட்சியளிக்கிறாா்.

மே 10 ஆம் தேதி பொங்கல் விழா நடைபெறுகிறது. அன்று பக்தா்கள் கோயில் முன்பாக பொங்கலிட்டு வழிபடுவா். மே 11 ஆம் தேதி கயிறு குத்து விழாவைத் தொடா்ந்து, பக்தா்கள் அக்கினிச் சட்டி ஏந்தி, அலகு குத்தி நோ்த்திக்கடன் செலுத்துகின்றனா். மறுநாள் தேரோட்டம் நடைபெறுகிறது.

இதற்கான ஏற்பாட்டினை, கோயில் நிா்வாகிகள் செய்து வருகின்றனா்.

ADVERTISEMENT
ADVERTISEMENT