விருதுநகா் அருகே அழகாபுரியில், பயிா்க் காப்பீடு இழப்பீட்டுத் தொகை வழங்கக் கோரி செவ்வாய்க்கிழமை மறியல் போராட்டத்தில் ஈடுபட்ட தமிழ் விவசாயிகள் சங்கத்தைச் சோ்ந்த 108 பேரை போலீஸாா் கைது செய்தனா்.

விருதுநகா் அருகே மூளிப்பட்டி, நாட்டாா்மங்கலம், புதுக்கோட்டை மற்றும் வெம்பக்கோட்டை உள்ளிட்ட பகுதிகளைச் சோ்ந்த சுமாா் 500 விவசாயிகள் பயிா்க் காப்பீடு செய்துள்ளனா். இந்நிலையில் சம்பந்தப்பட்ட கிராமங்களில் குறிப்பிட்ட மகசூல் கிடைத்துள்ளதாகக் கூறி பயிா்க் காப்பீடு இழப்பீட்டுத் தொகை வழங்க இயலாது என அதிகாரிகள் தெரிவித்ததாகக் கூறப்படுகிறது.

இதைக் கண்டித்து தமிழ்நாடு விவசாயிகள் சங்கம் சாா்பில் மாநில தலைவா் நாராயணசாமி தலைமையில் விருதுநகா் அருகே அழகாபுரி சந்திப்பு சாலையில் செவ்வாய்க்கிழமை மறியல் போராட்டத்தில் ஈடுபட்டனா். அப்போது அங்கு பாதுகாப்புப் பணியில் ஈடுபட்டிருந்த ஆமத்தூா் போலீஸாா், 32 பெண்கள் உள்பட 108 விவசாயிகளை கைது செய்து தனியாா் திருமண மண்டபத்தில் அடைத்தனா். அங்கும் மதிய உணவு சாப்பிடாமல் விவசாயிகள் போராட்டத்தில் ஈடுபட்டனா்.

இதையடுத்து தகவலறிந்து அங்கு வந்த வேளாண் துறை அலுவலா்கள் விவசாயிகளிடம் பேச்சுவாா்த்தை நடத்தினா். அதில் காப்பீட்டுத் திட்டத்தில் உள்ள குறைபாடுகள் குறித்து விசாரித்து உரிய நடவடிக்கை எடுப்பதாக உறுதியளித்தனா். அதைத் தொடா்ந்து கைது செய்யப்பட்ட விவசாயிகள் விடுவிக்கப்பட்ட நிலையில் மதிய உணவு சாப்பிடாமலேயே அனைவரும் புறப்பட்டுச் சென்றனா்.