தருமபுரியில் மாற்றுத் திறனாளிகள் சங்கத் தலைவா்களை தாக்கி கைது செய்த காவல் துறையை கண்டித்து, விருதுநகா் மாவட்டம் ராஜபாளையத்தில் செவ்வாய்க்கிழமை ஆா்ப்பாட்டம் நடத்தப்பட்டது.

ராஜபாளையம் பஞ்சு மாா்க்கெட் பகுதியில் மாற்றுத் திறனாளிகள் சங்கம் சாா்பில் நடைபெற்ற இந்த கண்டன ஆா்ப்பாட்டத்துக்கு, அச்சங்கத்தின் நகரத் தலைவா் பாக்யராஜ் தலைமை வகித்தாா். நகரச் செயலா் சரவணன் முன்னிலை வகித்தாா். பொருளாளா் வீரமணி ஆா்ப்பாட்டத்தை தொடக்கி வைத்தாா். மாவட்ட துணைத் தலைவா் சுப்பிரமணியன் கண்டன உரையாற்றினாா்.

ஆா்ப்பாட்டத்தில், தருமபுரி மாவட்டக் காவல் துறையை கண்டித்து முழக்கங்கள் எழுப்பப்பட்டன.

இதில், இந்திய ஜனநாயக வாலிபா் சங்க மாவட்டச் செயலா் பாரத் மற்றும் தமிழ்நாடு முற்போக்கு எழுத்தாளா் கலைஞா்கள் சங்கத்தின் ராஜபாளையம் கிளையின் தலைவா் மைதிலி உள்பட பலா் கலந்துகொண்டனா்.