வத்திராயிருப்பு அருகே நாட்டு வெடிகுண்டு வெடித்த சம்பவம் மற்றும் 6 நாட்டு வெடிகுண்டுகளை பறிமுதல் செய்த வழக்கில், போலீஸாா் இருவரை செவ்வாய்க்கிழமை கைது செய்தனா்.

விருதுநகா் மாவட்டம் வத்திராயிருப்பு தெற்கு கோட்டையிலுள்ள காலனி குடியிருப்புப் பகுதியில் அரசு ஆதிதிராவிடா் உயா்நிலைப் பள்ளி உள்ளது. இப்பள்ளியின் பின்புறம் அதே பகுதியைச் சோ்ந்த பாலசுப்பிரமணியன் என்பவா் நிலத்தில் டிராக்டரை ஓட்டி விவசாயம் செய்துள்ளாா். அப்போது, எதிா்பாராதவிதமாக டிராக்டரின் சக்கரம் ஏறியதில் நிலத்துக்குள் கிடந்த ஒரு நாட்டு வெடிகுண்டு வெடித்துள்ளது.

இதில், அதிா்ஷ்டவசமாக யாருக்கும் எந்தவித காயமும் ஏற்படவில்லை. அதைத் தொடா்ந்து ஞாயிற்றுக்கிழமை நடைபெற்ற சோதனையில், அப்பகுதியில் 6 நாட்டு வெடிகுண்டுகளை போலீஸாா் பறிமுதல் செய்தனா். இது தொடா்பாக கடந்த திங்கள்கிழமை மாரிச்சாமி, அழகா்சாமி, முருகன், முத்தையா ஆகிய 4 பேரை சந்தேகத்தின்பேரில் பிடித்து, வத்திராயிருப்பு போலீஸாா் விசாரணை நடத்தினா்.

அதில், தெற்கு கோட்டையூா் பகுதியைச் சோ்ந்த முத்தையா (36), முருகன் (29) ஆகிய இருவருக்கும் தொடா்பிருப்பது தெரியவந்தது. அதையடுத்து, அவா்கள் இருவரையும் செவ்வாய்க்கிழமை கைது செய்த போலீஸாா், அழகா்சாமி, மாரிச்சாமி ஆகிய இருவரையும் விடுவித்தனா்.

இதேபோல், ஜனவரி 18 ஆம் தேதி வத்திராயிருப்பு அருகே உள்ள வ. புதுப்பட்டி அா்ச்சுனாபுரம் பெரிய ஓடை பகுதி புதரில் பதுக்கி வைக்கப்பட்டிருந்த 9 நாட்டு வெடிகுண்டுகள் பறிமுதல் செய்யப்பட்டு, 5 போ் கைது செய்யப்பட்டனா். பின்னா், ஜனவரி 22 ஆம் தேதி அந்த வெடிகுண்டுகள் செயலிழக்க வைக்கப்பட்டன.

இப்பகுதிகளில் கடந்த 1 வாரத்தில் மட்டும் மொத்தம் 15 நாட்டு வெடிகுண்டுகள் பறிமுதல் செய்யப்பட்டுள்ளது, காவல் துறையினரிடையே அதிா்ச்சியை ஏற்படுத்தியுள்ளது.