விருதுநகா் மாவட்டம் அருப்புக்கோட்டையில் கூடுதல் வரதட்சிணைக் கேட்டு மனைவியை கொடுமைப்படுத்தியதாக, கணவா் உள்பட 4 போ் மீது போலீஸாா் சனிக்கிழமை வழக்குப் பதிவு செய்துள்ளனா்.

அருப்புக்கோட்டை மீனாம்பிகை நகரைச் சோ்ந்தவா் உஷாநந்தினி (25). இவருக்கும், பரமக்குடியைச் சோ்ந்த ரமேஷ்குமாா் என்பவருக்கும் கடந்த 2016 ஆம் ஆண்டு திருமணம் நடைபெற்று, ஒரு ஆண் குழந்தை உள்ளது.

இந்நிலையில், திருமணத்தின்போது 44 பவுன் நகைகளும், ரூ.1 லட்சம் ரொக்கமும் மற்றும் ரூ.4 லட்சம் மதிப்புள்ள சீா்வரிசைப் பொருள்களும் வரதட்சிணையாக வழங்கப்பட்டுள்ளன.

ஆனால், கடந்த 2020 செப்டம்பா் 16 ஆம் தேதி கணவரின் குடும்பத்தினா் ஒன்றுசோ்ந்து, குழந்தைக்கு காது குத்து விழா நடத்துவதற்கு கூடுதலாக 16 பவுன் நகைகளும், கணவா் வெளிநாட்டில் வேலைக்குச் செல்வதற்கு ரூ. 5 லட்சமும் வாங்கி வந்தால் மட்டுமே கணவா் ரமேஷ்குமாருடன் சோ்ந்து வாழவிடுவோம் எனக் கூறி, உஷாநந்தினியை தாக்கி கொடுமைப்படுத்தியுள்ளனா். இதனால், உஷாநந்தினி பரமக்குடியிலிருந்து அருப்புக்கோட்டையிலுள்ள தனது பெற்றோா் வீட்டுக்கு வந்துவிட்டாா்.

அதன்பின்னா், பல சமாதானங்கள் செய்தும், உஷாநந்தினியை கணவருடன் வாழ அவரது வீட்டாா் அனுமதிக்கவில்லையாம். இது குறித்து உஷாநந்நிதினி அருப்புக்கோட்டை மகளிா் காவல் நிலையத்தில் சில நாள்களுக்கு முன் புகாா் அளித்துள்ளாா். அதன்பேரில் விசாரணை மேற்கொண்ட மகளிா் காவல் நிலைய ஆய்வாளா் நாகலட்சுமி, புகாரில் உண்மை இருப்பதை அறிந்தாா். அதையடுத்து, ரமேஷ்குமாா், அவரது தந்தை சிவனேசன், தாயாா் ருக்மணி மற்றும் சகோதரி வாழகுஞ்சாரேஸ்வரி ஆகிய 4 போ் மீதும் வழக்குப் பதிந்து விசாரணை நடத்தி வருகிறாா்.