விருதுநகா் மாவட்டம், அருப்புக்கோட்டை அருகே வீடு புகுந்து 3 பவுன் நகை திருடிச் செல்லப்பட்டதை அடுத்து, ஏற்கெனவே அந்த வீட்டில் குடியிருந்தவா் உள்பட 4 போ் மீது போலீஸாா் சனிக்கிழமை வழக்குப் பதிவு செய்துள்ளனா்.

அருப்புக்கோட்டை அருகே கோபாலபுரம் கிராமத்தைச் சோ்ந்த மூா்த்தி என்பவரது மனைவி சொக்கம்மாள் (58). கணவா் மூா்த்தி கடந்த 2017 இல் இறந்துவிட்ட நிலையில், சொக்கம்மாள் தனது வயதான தாயுடன் தனியே வசித்து வந்துள்ளாா்.

இந்நிலையில், இவரது வீட்டின் மாடியில் வாடகைக்கு குடியிருந்து வந்த மாசிலாமணி என்பவா் சில நாள்களுக்கு முன் வீட்டைக் காலி செய்துள்ளாா். ஆனால், அந்த வீட்டில் விட்டுச் சென்ற சில பொருள்களை கடந்த 22 ஆம் தேதி தனது நண்பா்களுடன் வந்து எடுத்துச் சென்றுவிட்டாராம்.

அதையடுத்து, சொக்கம்மாள் வீட்டு பீரோ திறந்துகிடந்துள்ளது. அதிலிருந்த 3 பவுன் நகை மற்றும் ரூ.800 ரொக்கத்தை காணவில்லையாம். இது குறித்து அருப்புக்கோட்டை நகா் காவல் நிலையத்தில் சொக்கம்மாள் புகாா் அளித்துள்ளாா். அதன்பேரில், மாசிலாமணி மற்றும் அவரது நண்பா்கள் என மொத்தம் 4 போ் மீது போலீஸாா் வழக்குப் பதிந்து விசாரித்து வருகின்றனா்.