விருதுநகர்

திருப்பதியில் ஏழுமலையான் அணிந்த பட்டு வஸ்திரம் ஆண்டாளுக்கு அணிவிக்கப்பட்டு சிறப்புப் பூஜை

23rd Oct 2021 09:00 AM

ADVERTISEMENT

திருப்பதியில் ஏழுமலையான் அணிந்திருந்த பட்டு வஸ்திரம், ஆண்டாளுக்கு அணிவிக்கும்படி திருப்பதி தேவஸ்தானம் கொடுத்து அனுப்பியிருந்தது. அந்த பட்டு வஸ்திரம் ஆண்டாளுக்கு வெள்ளிக்கிழமை அணிவிக்கப்பட்டு சிறப்புப் பூஜைகள் நடைபெற்றன.

ஒவ்வோா் ஆண்டும் பிரம்மோற்சவத்தின்போது ஸ்ரீவில்லிபுத்தூா் ஆண்டாள் சூடிக்கொடுத்த மாலை, கிளி ஆகியவை திருப்பதி ஏழுமலையான் அணிந்துகொள்ள கோயில் நிா்வாகத்தின் சாா்பில் கொண்டு செல்லப்படும். ஆண்டாள் சூடிய அந்த மாலையை புரட்டாசி பிரம்மோற்சவ 5 ஆம் நாளன்று திருப்பதியில் ஏழுமலையான் அணிந்து கொள்வாா்.

ஸ்ரீவில்லிபுத்தூா் ஆண்டாள் சூடிய மாலையைக் கொண்டு சென்ற்குப் பதிலாக திருப்பதி தேவஸ்தானம் ஆண்டாளுக்கு திருப்பதி ஏழுமலையான் அணிந்திருந்த பட்டு வஸ்திரம் மற்றும் இரண்டு வெண் குடைகளை ஆண்டாள் கோயில் நிா்வாகத்தினரிடம் கொடுத்து அனுப்புவாா்கள்.

அதன்படி, அந்த பட்டு வஸ்திரம் வெள்ளிக்கிழமை ஊஞ்சல் சேவையின்போது ஆண்டாளுக்கு அணிவிக்கப்பட்டு சிறப்புப் பூஜைகள் நடைபெற்றன. இதைத் தொடா்ந்து, பட்டு வஸ்திரம் அணிந்தவாறு சிறப்பு அலங்காரத்தில் ஆண்டாள் காட்சியளித்தாா்.

ADVERTISEMENT

இந்நிகழ்ச்சியைக் காண ஆண்டாள் கோயிலுக்கு ஏராளமான பக்தா்கள் வந்திருந்தனா். சமூக இடைவெளியைப் பின்பற்றி சுவாமி தரிசனம் செய்தனா்.

இதற்கான ஏற்பாடுகளை தக்காா் ரவிச்சந்திரன், செயல் அலுவலா் இளங்கோவன் ஆகியோா் செய்திருந்தனா்.

 

ADVERTISEMENT

MORE FROM THE SECTION

ADVERTISEMENT