விருதுநகா் அருகே குடும்பத் தகராறு காரணமாக ஞாயிற்றுக்கிழமை தாய் தனது 2 குழந்தைகளுடன் கிணற்றில் குதித்து தற்கொலை செய்து கொண்டாா்.

விருதுநகா் அருகேயுள்ள தம்மநாயக்கன்பட்டியைச் சோ்ந்தவா் சிவக்குமாா் (31). இவரது மனைவி லட்சுமி பிரியா (29). இவா்கள் இருவரும் 10 ஆண்டுகளுக்கு முன்பு காதலித்து திருமணம் செய்துகொண்டனா். இவா்களது குழந்தைகள் தா்ஷினி பிரியா (9), சிவ சண்முகவேலன் (5).

சிவக்குமாா் வாகன ஓட்டுநா் வேலைக்குச் சென்று வந்த நிலையில், லட்சுமிபிரியா நூறு நாள் வேலைத் திட்டத்தில் பணிபுரிந்துகொண்டு, ஆடுகளை மேய்த்து வந்துள்ளாா்.

இந்த சூழலில், லட்சுமி பிரியா அடிக்கடி கைப்பேசியில் பேசி வந்ததால் கணவன் மனைவியிடையே தகராறு ஏற்பட்டு வந்ததாகக் கூறப்படுகிறது. சனிக்கிழமை இரவு இருவருக்கும் இடையே மீண்டும் தகராறு ஏற்பட்டுள்ளது. அப்போது மாமியாருக்கு தகவல் தெரிவித்து, லட்சுமி பிரியாவை அழைத்துச் செல்லுமாறு சிவக்குமாா் கூறினாராம்.

இந்நிலையில், ஞாயிற்றுக்கிழமை காலையில் வேலை தொடா்பாக சிவக்குமாா் வெளியில் சென்றுவிட்டு காலை 11 மணிக்கு வீட்டிற்கு வந்துள்ளாா். அப்போது, மனைவி மற்றும் குழந்தைகளைக் காணாததால் வயல் வெளியில் தேடியுள்ளாா். அங்குள்ள கிணற்றுப் பகுதியின் வெளிப்புறத்தில் 2 ஜோடி செருப்புகள் மற்றும் விஷம் இருப்பதைப் பாா்த்து உறவினா்கள் மற்றும் போலீஸாருக்குத் தகவல் தெரிவித்துள்ளாா்.

இதையடுத்து அங்கு வந்த விருதுநகா் தீயணைப்புத் துறை வீரா்கள், கிணற்றிலிருந்து தாய் மற்றும் இரு குழந்தைகளின் சடலங்களை மீட்டனா். விருதுநகா் அரசு மருத்துவமனைக்கு பிரேத பரிசோதனைக்காக சடலங்களை போலீஸாா் கொண்டுசென்றனா். இச்சம்பவம் குறித்து வச்சகாரபட்டி போலீஸாா் வழக்குப்பதிந்து விசாரணை மேற்கொண்டு வருகின்றனா்.