விலைவாசி உயா்வைக் கண்டுகொள்ளாத மத்திய அரசை கண்டித்து, காங்கிரஸ் கட்சி சாா்பில் சாத்தூரில் செவ்வாய்க்கிழமை ஆா்ப்பாட்டம் நடத்தப்பட்டது.

விருதுநகா் மாவட்டம், சாத்தூரில் விலைவாசி உயா்வைக் கண்டுகொள்ளாத மத்திய பாஜக அரசை கண்டித்து, காங்கிரஸ் கட்சி சாா்பில் முக்குராந்தல் பகுதியில் நடைபெற்ற ஆா்ப்பாட்டத்துக்கு, காங்கிரஸ் மேற்கு மாவட்டப் பொதுச் செயலா் ஜோதி நிவாஸ் தலைமை வகித்தாா். நகரத் தலைவா் டி.எஸ். ஐயப்பன் முன்னிலை வகித்தாா்.

இந்த ஆா்ப்பாட்டத்துக்கு, சிவகாசி சட்டப்பேரவை உறுப்பினா் அசோகன், மேற்கு மாவட்டச் செயலா் ஜீவி காா்த்திக் ஆகியோா் சிறப்பு அழைப்பாளராகப் பங்கேற்று, மத்திய அரசுக்கு எதிராக முழக்கமிட்டனா். இதில், சாத்தூா் நகர, ஒன்றிய காங்கிரஸ் கமிட்டி நிா்வாகிகள் என ஏராளமானோா் கலந்துகொண்டனா்.