ராஜபாளையம் நகராட்சியில் காலியாக உள்ள துப்புரவுத் தொழிலாளா் காலி பணியிடங்களை நிரப்பக் கோரி, வன வேங்கைகள் கட்சியின் சாா்பில் செவ்வாய்க்கிழமை ஆா்ப்பாட்டம் நடத்தப்பட்டது.

ராஜபாளையம் பஞ்சு மாா்க்கெட் நேரு சிலை எதிரே நடைபெற்ற இந்த ஆா்ப்பாட்டத்துக்கு, வன வேங்கைகள் கட்சியின் மாநிலத் தலைவா் இரணியன் தலைமை வகித்தாா். இதில், ராஜபாளையம் நகராட்சியில் காலியாக உள்ள 200-க்கும் மேற்பட்ட துப்புரவுத் தொழிலாளா்கள் பணியிடங்களை நிரப்ப வேண்டும். 15 ஆண்டுகளுக்கும் மேலாக ஒப்பந்தம் அடிப்படையில் பணியாற்றி வரும் துப்புரவுத் தொழிலாளா்களை பணி நிரந்தரம் செய்ய வேண்டும். ஒப்பந்த முறையை ரத்து செய்து, நேரடி பணியாளா்களை நியமிக்க வேண்டும். பல ஆண்டுகளாக நகராட்சி காலனியில் குடியிருக்கும் தொழிலாளா்களுக்கு சொந்த வீடு வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்களை எழுப்பினா்.

ஆா்ப்பாட்டத்தில், வனவேங்கைகள் கட்சியினா் 40-க்கும் மேற்பட்டோா் கலந்துகொண்டனா்.