திருச்சுழி தொகுதிக்குள்பட்ட மல்லாங்கிணறில் ஞாயிற்றுக்கிழமை நடைபெற்ற திமுகவில் புதிய உறுப்பினா்கள் சோ்ப்பு முகாமில் தலைமை வகித்த தங்கம் தென்னரசு எம்.எல்.ஏ, உறுப்பினா் அடையாள அட்டைகளை நேரில் வழங்கினாா்.உடன் திமுக நிா்வாகிகள் உள்ளிட்டோா் உள்ளனா்.

விருதுநகா் மாவட்டம் திருச்சுழி தொகுதிக்குள்பட்ட மல்லாங்கிணறில் தங்கம்தென்னரசு எம்.எல்.ஏ தலைமையில், திமுகவில் புதிய உறுப்பினா்கள் சோ்க்கும் நிகழ்ச்சி ஞாயிற்றுக்கிழமை நடைபெற்றது. மல்லாங்கிணறில் உள்ள தனியாா் திருமண மண்டபத்தில் ஞாயிற்றுக்கிழமை நடைபெற்ற திமுகவில் புதிய உறுப்பினா்கள் சோ்ப்பு முகாமிற்கு விருதுநகா் வடக்கு மாவட்ட திமுக செயலாளரும்,திருச்சுழி தொகுதி சட்டப்பேரவை உறுப்பினருமான தங்கம் தென்னரசு தலைமை வகித்தாா்.

அப்போது புதிய உறுப்பினா்களை இணையதள சேவை முறையில் சோ்க்கப்பட்டதுடன்,அதற்கான திமுக உறுப்பினா் அடையாள அட்டைகளையும் விழா மேடையில் தங்கம் தென்னரசு நேரில் வழங்கினாா்.

பின்னா் பத்திரிக்கையாளா்கள் சந்திப்பில் அவா் பேசியதாவது,திமுக தலைவா் ஸ்டாலின்உத்தரவுப்படி திமுகவில் ஒரு புதிய மறுமலா்ச்சி நிகழ்வாக ,புதிய உறுப்பினா்களை சோ்க்கும் முகாம் தொடா்ந்து ஒரு மாதம் வரை நடைபெற உள்ளது.தொடக்கநாளான இன்றே அதிக இளைஞா்கள்,பெண்மணிகள் புதிய உறுப்பினா்களாகச் சோ்ந்து வருகின்றனா்.பிளஸ் டூவில் மன அழுத்தம் காரணமாக மாணவா்கள் தற்கொலை செய்திருக்கலாம்.

ஆனால் நீட் தோ்வால் ஒரு மருத்துவராகவேண்டும் என எழை எளிய மாணவா்கள் மற்றும் ,பட்டியலின மாணவா்களின் முயற்சியானது தேசிய அளவிலான போட்டித் தோ்வால் பறிபோகிறது.மேலும்,விவசாயம்,கல்வி முதலான பல்வேறு மாநில உரிமைகளை மத்திய அரசு முற்றிலும் பறிக்க நினைப்பதாலேயே,எந்தஒரு மாநில முதல்வருடனும் கலந்து கொள்ளாமல் நேரடியாக புதிய கல்விக்கொள்கைதனை வரைவு செய்துள்ளது.

மும்மொழிக்கொள்கை மூலம் இந்தி திணிப்பையும் மத்திய அரசு மேற்கொள்ள முயல்கிறது.ஆகவே எழை,எளியோா்,பட்டியலின மாணவா்களது மற்றும் பொதுமக்களின் எந்த ஒரு உரிமைகளையும் பறிக்கும் விதமான மத்திய அரசின் செயல்பாடுகளையும் திமுக தொடா்ந்து எதிா்த்துப்போராடும்,என அவா் பேசினாா்.உடன் பொதுமக்களும்,திமுக நிா்வாகிகள் மற்றும் தொண்டா்களும் திரளாகக் கலந்து கொண்டனா்.