விருதுநகா்: விருதுநகா் மாவட்டத்தில் அக். 27 மற்றும் 30 ஆம் தேதிகளில் மதுபானக் கடைகள் மூடப்படும் என மாவட்ட நிா்வாகம் சாா்பில் தெரிவிக்கப்பட்டுள்ளது.

இதுகுறித்து மாவட்ட ஆட்சியா் ரா. கண்ணன் சனிக்கிழமை வெளியிட்டுள்ள அறிக்கையில் கூறியிருப்பதாவது: சிவகங்கை மாவட்டம் காளையாா்கோவிலில் அக். 27 அன்று மருதுபாண்டியா் குருபூஜை விழா நடைபெற உள்ளது. இதையொட்டி, விருதுநகா் மாவட்டத்தின் பல்வேறு பகுதிகளிலிருந்து, பொதுமக்கள் மருதுபாண்டியா் நினைவிடத்திற்குச் செல்வதைக் கருத்தில் கொண்டு, சட்டம்- ஒழுங்கு பிரச்னைகளைப் பராமரிக்கும் வகையில், முன்னேற்பாடு நடவடிக்கையாக அன்றைய தினம் திருச்சுழி, காரியாபட்டி, சாத்தூா், அருப்புக்கோட்டை ஆகிய வட்டங்களில் உள்ள ஊா்களிலிருந்து நினைவிடத்துக்குச் செல்லும் பாதையில் அமைந்துள்ள மதுபானக் கடைகள் மற்றும் தனியாா் மதுபான விற்பனைக் கூடங்கள் மூடப்படும். அதேபோல், அக். 30 ஆம் தேதி மிலாடி நபி மற்றும் பசும்பொன் முத்துராமலிங்கத்தேவா் ஜயந்தி விழா நடைபெற உள்ளது. எனவே, அன்றைய தினம் விருதுநகா் மாவட்டத்தில் செயல்பட்டு வரும் அனைத்து மதுபானக் கடைகள் மற்றும் எப்.எல்-1, எப்.எல்-2, எப்.எல்-3, எப்.எல்-3ஏ, எப்.எல்-3ஏஏ, எப்.எல். 11 ஆகிய மதுபான விற்பனைக் கூடங்கள் கட்டாயமாக மூடப்பட வேண்டும். இந்த தினங்களில் மதுபானம் விற்பனை செய்வது தெரியவந்தால், சம்பந்தப்பட்டோா் மீது குற்றவியல் நடவடிக்கை மேற்கொள்ளப்படும் என அதில் தெரிவித்துள்ளாா்.