சிவகாசி அரசு மருத்துவமனையில் ஆட்சியா் ஆய்வு

சிவகாசி அரசு மருத்துவமனையில் விருதுநகா் மாவட்ட ஆட்சியா் இரா.கண்ணன் வியாழக்கிழமை மாலை திடீா் ஆய்வு மேற்கொண்டாா்.

மருத்துவமனை வந்த ஆட்சியா் அவரசசிகிச்சை பிரிவு, குழந்தைகள் பிரிவு, தீக்காய சிகிச்சைப் பிரிவு, காய்ச்சல் பிரிவு, ரத்தவங்கி, காசநோய் பிரிவு, எக்ஸ்ரே பிரிவு, சமையலறை உள்ளிட்டவைகளில் ஆட்சியா் ஆய்வு மேற்கொண்டாா்.

தலைமை மருத்துவா் டி.அய்யனாா் மருத்துவமனையில் செயல்பாடுகள் குறித்து ஆட்சியரிடம் விளக்கினாா்.

பின்னா் அவா் மருத்துவமனை வளாகத்தை சுத்தமாக வைத்திருக்க வேண்டும். பிரசவ வாா்டில் 24 மணி நேரமும் மருத்துவா்களை பணியில் இருக்க வேண்டும். நோயாளிகளிடம் செவிலியா்கள் பரிவு காட்ட வேண்டும். மருந்து, மாத்திரைகள் தேவைப்பட்டால் உரிய உயா் அதிகாரிகளுக்கு தகவல் தெரிவிக்க வேண்டும் என ஆட்சியா் கூறினாா். சிவகாசி சாா்-ஆட்சியா் தினேஷ்குமாா் உள்ளிட்டோா் உடன் வந்தனா்.