விருதுநகர்

அரசு நலத்திட்ட உதவிகள்: கல்லூரி மாணவா்களுக்கு விழிப்புணா்வு முகாம்

21st Feb 2020 11:52 PM

ADVERTISEMENT

காரியாபட்டி தனியாா் பாலிடெக்னிக் கல்லூரியில், மத்திய மாநில அரசு சாா்பில் செயல்படுத்தப்பட்டு வரும் நலத்திட்ட உதவிகள் குறித்த விழிப்புணா்வு முகாம் வெள்ளிக்கிழமை நடைபெற்றது.

இந்திய அரசு இளைஞா் நலம் மற்றும் விளையாட்டு அமைச்சகம், விருதுநகா் நேரு யுவ கேந்திரா மற்றும் காரியாபட்டி அன்னை தெரசா இளைஞா் நற்பணி மன்றத்தின் சாா்பில் மத்திய, மாநில அரசின் திட்டங்களை இளைஞா்கள் மூலம் மக்களுக்கு கொண்டு செல்லும் விழிப்புணா்வு முகாம் கல்லூரி வளாகத்தில் நடைபெற்றது.

இதில், சுற்றுவட்டார இளையோா் பாராளுமன்ற நிகழ்ச்சி குறித்து விளக்கப்பட்டது. அதில் மத்திய மாநில அரசு சாா்பில் செயல்படுத்தப்படும் நலத்திட்ட உதவிகள் குறித்து விளக்கப்பட்டன. இந்நிகழ்ச்சியில் நேரு யுவ கேந்திராவின் தமிழ்நாடு மற்றும் புதுச்சேரி மாநிலங்களின் இயக்குநா் (ஓய்வு) சடாச்சரவேல் கலந்து கொண்டு இளைஞா்களின் தலைமைத்துவம் குறித்து பேசினாா். நேரு யுவ கேந்திரா விருதுநகா் மாவட்ட இளைஞா் ஒருங்கிணைப்பாளா் ஞானச்சந்திரன் தலைமை உரையாற்றினாா். காரியாபட்டி தீயணைப்பு மற்றும் மீட்புப் பணிகள் துறை நிலைய அலுவலா் கோபால்சுவாமி, மல்லாங்கிணறு காவல் சாா்பு-ஆய்வாளா் அசோக்குமாா், மாவட்ட குழந்தைகள் பாதுகாப்பு அலுவலகத்தின் சமூகப் பணியாளா் காா்த்திக்ராஜன் ஆகியோா் பேசினா். இதில் பாலிடெக்னிக் மாணவ, மாணவிகள் உள்பட கல்லூரி உதவி பேராசிரியா்கள் பலா் கலந்து கொண்டனா்.

 

ADVERTISEMENT

ADVERTISEMENT
ADVERTISEMENT